Pas dëshmisë në Prokurori/ Kriminelët që dolën nga Zyra e tij, Basha: S’kam arritur ti identifikoj!

Mashtrues ordiner! Ky është vlerësimi i vetëm që mund ti bëhet Lulzim Bashës pas dëshmisë në Prokurori përkundër ndihmës që i dha Presidenti i Republikës, Ilir Meta, një orë para se ti drejtohej këtij institucioni me diversionin që bëri me afërsinë që kishte me mbështetësit e Sali Berishës. Por sikur se Sekretari i tij, Gazment Bardhi, edhe Lulzim Basha e din se kush i bëri trazirat e vitit 1997 dhe kush është fajtor i 21 Janarit 2011, ama nuk ka mundur të identifikojë personat e armatosur që më 8 Janar 2022 dolën nga Zyra e tij në ballkon për ti rrahur me shkopa bejsbolli protestuesit e PD. Madje nuk e identifikoi as turprojen e tij personale sepse thjeshtë është mashtrues ordiner!

Dhe, si një vrasës profesionist, pas rreth dy orë të marrjes në pyetje në Prokurorinë e Tiranës, Lulzim Basha doli i ftohtë dhe filloi të akuzoi Sali Berishën.

“Ditë në të cilën nuk do të kishim ardhur kurrë për interesat e askujt. Kjo është një nga dëmet që po i shkaktohet familjes tonë politike. Megjithatë ndonëse PD, ishim pre e një sulmi barbar dhe të dhunshëm. Kërkojmë që të vendosen përgjegjësit para drejtësisë dhe i them demokratëve që nuk do të biem në këtë kurth ku na do kundërshtari politik, por duhet të jemi në krye të betejës. Edhe tani Berisha me aktet e 8 janarit është dëshmuar si një aleat i vyer i qeverisë. Sot, kjo prokurori duhet të gëlonte nga personat e arrestuar për inceneratorët. Me aktet dhe veprimet e tij përçarëse, Berisha është përpjekur ta pengojë këtë. Dua të theksoj se ai nuk ia ka dalë. Së pari s’ja ka dalë të imponohet me aktet e dhunës, siç nuk imponohet asnjë pakicë. Demokratët ia kanë dalë të tregojnë se janë më shumë se një person i vetëm. PD mbetet një forcë politike e pjekur dhe do i japë fund tranzicionit,” tha Lulzim Basha dhe ndonëse u konfirmua edhe më 8 Janar se është shërbëtor i vyer i qeverisë sërish akuzon Saliun.

“Ditë në të cilën nuk do të kishim ardhur kurrë për interesat e askujt. Kjo është një nga dëmet që po i shkaktohet familjes tonë politike. Megjithatë ndonëse PD, ishim pre e një sulmi barbar dhe të dhunshëm. Kërkojmë që të vendosen përgjegjësit para drejtësisë dhe i them demokratëve që nuk do të biem në këtë kurth ku na do kundërshtari politik, por duhet të jemi në krye të betejës. Edhe tani Berisha me aktet e 8 janarit është dëshmuar si një aleat i vyer i qeverisë. Sot, kjo prokurori duhet të gëlonte nga personat e arrestuar për inceneratorët.

Me aktet dhe veprimet e tij përçarëse, Berisha është përpjekur ta pengojë këtë. Dua të theksoj se ai nuk ia ka dalë. Së pari s’ia ka dalë të imponohet me aktet e dhunës, siç nuk imponohet asnjë pakicë. Demokratët ia kanë dalë të tregojnë se janë më shumë se një person i vetëm. PD mbetet një forcë politike e pjekur dhe do i japë fund tranzicionit.”

Kështu, pas 8 vjet partneriteti të fshehtë me Edi Ramën, mashtruesi ordiner Lulzim Basha thotë se të shkuarën duhet lënë pas:

“Si rregull nuk kërkojmë prova për të rrezuar gënjeshtra por gënjeshtra kërkojnë gënjeshtra. Gënjeshtrat e Berishës kanë nisur në 9 shtator. Preferoj që ta lë të shkuarën pas. Ata që na kanë mbajtur në vend numëro për 30 vite, do i largojmë duke u bërë të gjithë bashkë, jo vetëm rreth një sigle. Per një demokraci e cila si me thënë jep mandatin por dhe shkarkon qeverinë me votat e qytetarëve. Kam kërkuar hetimin e plotë të gjithanshëm të kësaj ngjarje, inkurajoj drejtësinë. Nuk është asgjë më pak se tentativë vrasje mes demokrateve për interesa persona, me atë të një grupi të strukturuar kriminal, por interesa të një personi. Kam kërkuar që të vihen para drejtësisë nga i pari te i fundit. Nga Berisha te të gjithë të tjerët. Për fat të keq i pa e gjithë bota, jo vetëm Shqipëria. atyre pak demokratëve që u ndodhën aty por që u distancuan.”

Dhe jo vetëm kaq!

“Jemi të vendosur që të mos lëshojmë pe dhe të mos pranojmë për asnjë çast që pakica 30 vjeçare e tranzicionit të bëhet e përhershme por që shumica e shqiptarëve dhe dëshira për ndryshim të marrë formë përmes zgjedhjeve të lira. E sot,ja si 8 janari kanë hyrë në histori si ditë të dhimbshme për shqiptarët që duan institucione të pavarura , t’i japin fund dhunës, korrupsionit dhe rruga për ta bërë këtë është të qëndrojmë së bashku.”

Pasi demokratëve iu dhuroi gaz lotjsellës, “dru edukativ” deri në shtrimet nëpër ambulanca duke i dhënë fund me drurin e policëve të Edi Ramës, kështu shprehet ai kurrë pyetet se si do ta kërkojë votën e demokratëve pas gjithë kësaj dhune:

“Unë jam i gatshëm të marr përgjegjësitë që më takojnë dhe fjalët të përkthehen në vepra.  Valltarët e tranzicionit duan ta shkatërrojnë Partinë Demokratike që është një pengesë për ta.  Është një mision siç nuk mund të braktis fëmijët e mi, nënën time. Historia me  ka vendosur në ballë të kësaj beteje. E di që shumica e shqiptarëve e duan ndryshimin. PD ishte e përgatitur për çdo skenar dhe kishim një qëllimi, të shmangnim gjakderdhjen me 8 janar.”

Dhe, ky njeri i cili nga 9 Shtatori na rrëfen për kriminelët e Saliut nga viti 1997 dhe ata nga 21 Janari 2011, sot nuk është në gjendje të identifikoj kriminelët e armatosur që më 8 Janar 2022 dolën nga Zyra e tij dhe në sy të botës rrahën me shkopa bejsbolli pasi i bënë të palëvizshëm me gazin e Soko Bizhgës, 4 demokratë duarthatë që po protestonin.

“Unë skam arritur të identifikoj. Pozicionimi i dritares dhe rrethanave e bën të pamundur identifikimin. Kjo është detyra e drejtësisë të zbardhë atë që ka ndodhur. Unë nuk merren me identifikimin e kush hyn e kush del nga PD. Duhet të jemi gjakftohtë që të mos ushqejmë qytetarëve gjithçka që i vjen në mendje. Drejtësia duhet të zbardhë gjithçka e të vendosë para drejtësisë frymëzuesit, organizatorët dhe ata që ushtruan dhunë ndaj nesh e demokratëve e që donin të shkaktonin vëllavrasje, e nuk ia dolën,” tha Lulzim Basha ndërsa e konsideron akuzë të Berishës se po bashkëpunon me Edi Ramën kur faktet kanë ndryshuar shumë gjëra:

“Është një akuzë shtesë nga dhjetëra që janë hedhur. Kjo i shërben Sali Berishës dhe Edi Ramës. Ata po ndihmojnë njëri-tjetrin dhe ne po pengohemi të bëjmë punën tonë. Për këdo që do të ketë sytë e hapura e kupton që nga këto mashtrime dëmtohet PD dhe përfiton Rama. Sa më pak të merremi me të shkuarën që përfaqëson Berisha dhe Rama e sa më shumë të merremi me shqiptarët duke thënë se jemi shumica. Ne do të lëmë pas hijet e së shkuarës e do të bëhemi bashkë sepse kemi një vend të mrekullueshëm. Kemi të gjitha mundësitë për të ndërtuar një vend normal. Aktorët e tranzicionit duan ta mbajnë Shqipërinë siç është, kush e do këtë është thërritur në këtë aleancë për të bërë pjesën e vet. Pakica absolute që ka marrë peng Shqipërinë të mos vazhdojë të sundojë dhe shumicës t’i kthehet shpresa. Si mund të ndihem kur do të isha këtu për të shtyrë përpara agjendën e korrupsionit të Ramës apo për të mbrojtur të drejtat tuaja si gazetarë, interesat e qytetarëve. Si mund të ndihesh mirë pasi ke sulmuar atë që quhet shtëpia jote. Unë s’duhet të isha duke harxhuar këto orë. Këto janë një kurth i ngritur në bashkëpunim nga autorët e tranzicionit. Shqiptarët nuk duan të shohin Shqipërinë kështu”.

Ndryshe, mashtruesi ordiner Lulzim Basha dëshmoi në Prokurori pasi detyrimin ligjor e kreu edhe Sekretari i tij, Gazment Bardhi i cili pas përballjes me gazetarët në një emacionet televizioneve ku nuk tha asnjë të vërtetë, nuk zgjoi sot interes për opinionin publik.