Pas dëshmisë tronditëse të Alizotit, Balla: Unë nuk e kam…
“Unë nuk e kam takuar kurrë!” Kështu u shpreh kryetari i Grupit Parlamentar të Partisë Socialiste, Taulant Balla para gjykatës së Tiranës, ku u pyet për deklaratat e Fred Alizotit, nga videoja e publikuar një ditë më parë nga deputeti demokrat Ervin Salianji. Dhe meqë nuk ishte në parlamnet për tu gajasur kaloj në një humor fshatçe edhe pse ai sot është i vetmi i akuzuar për ngatërresën Babale dhe përrallat me 200 mijë euro që diskredituan me akuza publike, shefin e tij Edi Rama .
“Unë duhet t’iu them që prokuroria po bën një punë të shkëlqyer në zbardhjen e kësaj çështjeje, të vazhdojë hetimet deri në fund edhe për video të tjera të servirura. Por, personat që nxjerrin videon
s’duhet t’ia fusin vrapit, se largimi i djeshëm me shpejtësi i Salianjit (pas emisionit Opinion) duke vënë në rrezik edhe rojat është i turpshëm. Sepse, në (deputetët) duhet të jemi të parët që nëse disponojmë t’ja vëmë në dispozicion prokurorisë”, tha Balla, thuase shqetësimi kryesor tashmë pas kësaj dëshmie të Alizotit është se si doli deputeti Salianji nga TV Klan, i menduar, i gëzuar apo i frikësuar, edhe pse kjo e fundit është mëse normale duke pasur parasysh çfarë mund ti ndodh çdo njeriu në këtë vend kriminal, ku rnuk quhet Taulant Balla.
Sidoqoftë nuk është e lehtë të jesh Ballë dhe Taulant, sepse me gjithë këto akuza duhet të kalosh në sulm, këtë dhe bëri shefi i deoutetëve rilindas duke theksuar se deputeti demokrat Salianji rrezikon që ndaj tij të ngrihet një akuzë penale për fshehje provash.
“Pati disa ditë me radhë përpjekje nga Partia Demokratike që ta kthenin Babalen në hero kombëtare, tani del kunati dhe thotë ‘ka tradhtuar PD-në dhe ka kaluar këtej matanë’ s’janë aspak të vërteta. Çështja ka ecur mirë deri tani dhe i bëj thirrje prokurorisë ta çojë deri në fund!”
Kur akuzon Taulanti..
Ndërkohë seanca e parë e padisë të Taulant Ballës për shpifje ndaj kreut të PD, Lulzim Basha lidhur me 3.4 mln euro që u kapën në Durrës në dy makina Toyota Yaris, që ishte dhe arsyeja pse Balla u paraqitë para gjykatës, nuk zgjati as 30 minuta. Seanca u shty për datën 23 tetor në mënyrë që prokuroria të ketë mundësi të jetë e pranishme në proces.
Ndryshe, personi i akuzuar për implikim në krimin e 3.4 milionë eurove të gjetura në dy makina “Toyota Yaris” në Portin e Durrësit, Taulant Balla nuk ka dhënë sqarime për krimin i cili rezultoi i vërtetë përkundër gajasjes së tij në seancë parlamentare, por ka nxituar ta akuzoj denoncuesin, Lulzim Basha, për shpifje si dhe nxjerrje të sekretit hetimor për çështjen në fjalë.
Me akuza ndaj Lulzim Bashës vazhdoi edhe në dalje të gjykatës.
“Unë e di që shumë qytetarë thonë që ja këtë punë kanë, nuk merren me hallet e njerëzve, por merren me njëritjetrin. Por besoj se sot po i bëjmë një shërbim politikës shqiptare për të ndarë përfundimisht shpifësit nga e vërteta dhe në rastin në fjalë unë e dija dhe ju e dini që Basha ka fobi nga këto godinat dhe nuk e di që do të paraqitet, pavarësisht se burrirësht duhet të vijë të përballet. Unë do ti shkoj deri në fund këtij procesi dhe jam i bindur që në fund do të fitoj një vendim gjykate që nuk do të më vlejë vetëm mua, por edhe PD. Kur ne thamë që Berisha i la PD Bashës në dorë si një lodër dhe ky kalamani po e thyen lodrën dhe e ka shndërruar PD në një kinostudio Babalesh. Sot është shndërruar nga një puntatë në një puntatë tjertër,” tha shefi i Grupit Parlamentar më të kriminalizuar në Parlamentin e Shqipërisë.
Ndryshe, kur pas deklaratës së Fred Alizotit, del dhe akuzon Taulant Balla, nuk është e qartë se kujt i mbetet në këtë vend që të mendohet: ta dëgjoj Ballën apo vërtetë t’ia fus vrapit nga vendi ku shef i përfaqësuesve të popullit është ai për të cilin foli Alizoti dhe qytetarët e dëgjojnë këtë lloj përgjigje…
