Pas dështimit 11 vjeçar, sot Edi Rama ftesë qytetarëve t’i pastrojnë malet!

Pasi gënjeu për 11 vjet qytetarët me Lali Erin dhe jo vetëm, për miliona pemë të mbjellura ndërsa trafikantët e kanabisit bënë pis çdo cep të pyllëzuar të tokës shqiptare, sot në Ditën Ndërkombëtare të Maleve të Pastra, Kryeministri Edi Rama i bënë ftesë qytetarëve që të pastrojnë zonat që në imagjinatën e tij “mbrohen” si parqe kombëtare apo natyrore.

“Mirmëngjes, dhe me ftesën për t’iu bashkuar nismës “10 parqe në 10 ditë” nga Agjencia Kombëtare e Zonave të Mbrojtura, si një kontribut i gjithësecilit për pastrimin e zonave që mbrohen si parqe kombëtare apo natyrore,” e nis kështu ditën Edi Rama me propagandën e pështirë përmes rrjetit social Facebook duke u shfaqur i shqetësuar për malet e pastra shqiptare, pikërisht këto male që u lejuan nga pushteti i tij të përmbyten në drogë, për të përfunduar:

“E sigurisht për të shijuar dhe promovuar edhe më tej Shqipërinë tonë nga Alpet e veriut deri në Llogara, ju uroj një ditë të mbarë.”