Pas dorëheqjes së Haradinajt, Basha: Akt i një njeriu që vë Atdheun mbi gjithçka!

Pas dorëheqjes së Kryeministrit të Kosovës, Ramush Haradinaj, Kryetari i Partisë Demokratike, Lulzim Basha, ka reaguar duke theksuar se dorëheqja e kryeministrit Ramush Haradinaj është akti i një njeriu që ve Atdheun mbi gjithçka.

“Ramushi i ka shërbyer gjithmonë me vetëmohim Kosovës, në ditë të mira dhe në ditë të këqija. Ramush Haradinaj është Kosova – Kosova e lirë, Kosova e pavarur, Kosova europiane,” thekson në reagimin e tij Lulzim Basha përmes rrjetit social Twitter duke përfunduar:

‘”Askush dhe asgjë nuk e përdhos dot luftën çlirimtare të Kosovës dhe sakrificën sublime të familjes Haradinaj në altarin e lirisë.”

Ndryshe, sot Ramush Haradinaj dha dorëheqje nga posti i kryeministrit të Kosovës, pasi është ftuar në cilësinë e të dyshuarit nga Gjykata Speciale në Hagë.

Ja postimi i plotë:

Dorëheqja e kryeministrit Ramush Haradinaj është akti i një njeriu që ve Atdheun mbi gjithçka.

Ramushi i ka shërbyer gjithmonë me vetëmohim Kosovës, në ditë të mira dhe në ditë të këqija. Ramush Haradinaj është Kosova – Kosova e lirë, Kosova e pavarur, Kosova europiane.

Askush dhe asgjë nuk e përdhos dot luftën çlirimtare të Kosovës dhe sakrificën sublime të familjes Haradinaj në altarin e lirisë!