Pas Edi Ramës, Opozita e Bashkuar i bie gozhdës, Damian Gjiknuri patkoit!

Ndonëse Kryeministri Edi Rama e bëri të qartë se në Këshill Politik edhe mund të mblidhen por me 30 Korrik do të miratohen ndryshimet kushteteuse, siç i kishte menduar vet ai, Përfaqësuesi i mazhorancës në Këshillin Politik, Damian Gjiknuri që pas Marrëveshjes së 5 Qershorit rezultoi se nuk ka kurrfarë vlere, e pa gozhdën që i kishte rënë Opozita e Bashkuar dhe i ra patkoit duke iu përgjigjur e-mail-it për mbledhjen ditës së nesërme ose të premte.

Opozita e Bashkuara është shprehur qartë se pavarësisht nga koha e mbajtjes së Këshillit Politik, Rendi i Ditës të bazohet në Marrëveshjen e 5 Qershorit, Damian Gjiknuri ndonëse i përgjigjet kësaj kërkese thekson se nuk bëhet fjalë thjesht për çështjet e mbetura po për një çështje shumë konkrete, dhe kërkon konfirmimin e pranisë në mbledhjen e sotme.

Të nderuar kolegë

Jemi dakord të takohemi edhe të enjten edhe të premten dhe në çdo kohë që ju e gjykoni të arsyeshme sepse koha është shumë e çmuar në kushtet kur Kuvendi ka një vendimmarrje të rëndësishme në 30 Korrik.

Këtu nuk bëhet fjalë thjesht për çështjet e mbetura po për një çështje shumë konkrete, prandaj edhe njëherë ju lutem të konfirmoni praninë tuaj për sot në orën 17:00 pasi opozita parlamentare e ka konfirmuar ndërkohë.

Duke shpresuar në mirëkuptimin tuaj ju mirëpresim në ora 17:00. Damian Gjiknuri

Por jo gjithçka përfundoi këtu. Opozita e Bashkuar i ra gozhdës, Gjiknuri patkoit dhe morën patkoin e radhës. Sërish email i Opozitës së Bashkuar, ku dy përfaqësuesit e saj në Këshillin Politik, Oerd Bylykbashi dhe Petrit Vasili deklarojnë se Këshilli Politik duhet të vijojë punë pa humbur asnjë ditë kohë dhe rikonfirmojmë gatishmërinë për të vijuar punën në Këshillin Politik, të enjten ora 17:00 ose të premten ora 11:00.

Ndonëse Edi Rama e tha qartë në ftesën për Këshill Politik se duhet të miratojnë Marrëveshjen që mazhoranca e miratoi mbrëmë me llumin opozitar, nuk është e qartë pse por Opozita e Bashkuar e kthen këtë lloj përgjigje:

Përshëndetje,

Edhe ne gjykojmë që Këshilli Politik duhet të vijojë punë pa humbur asnjë ditë kohë, sepse kemi humbur shumë kohë për miratimin dhe zbatimin e Marrëveshjes së 5 Qershorit. Në këtë kuadër, rikonfirmojmë gatishmërinë tonë për të vijuar punën në Këshillin Politik, të enjten ora 17:00 ose të premten ora 11:00, sipas zgjedhjes tuaj.

Gjithashtu, ju konfirmojmë se bashkërisht kemi rënë dakord në Marrëveshjen e 5 Qershorit, që duhet të vijojmë punën në Këshillin Politik për zbatimin e pikave 11 dhe 12 të saj, ku specifikohet se: “11. Masat shtesë: Këshilli Politik do të vazhdojë të diskutojë në mirëbesim dhe të përpiqet të arrijë zgjidhje të përbashkëta ku dhe kur është e mundur të adresohen rekomandimet kryesore të ODIHR lidhur me: (1) blerjen e votës; (2) presionin ndaj votuesve dhe administratës publike; (3) keqpërdorimin dhe abuzimin me administratën publike; (4) marrëveshjet e fshehta me grupet kriminale; (5) lirinë dhe sekretin e votës; dhe (6) manipulimin dhe falsifikimin e rezultateve zgjedhore. Në rast të mosprogresit këto propozime NUK do të ndërhyjnë apo vonojnë një marrëveshje dhe kalimin në parlament të masave të dakordësuara në pikat 1-9. 12. Hyrja në fuqi: Pikat 1, 2, 3, 7, 9, 9, 10 dhe 11 më sipër dhe dy shënimet poshtë do të hyjnë në fuqi për zgjedhjet e ardhshme (parlamentare dhe vendore). Pikat 4, 5 dhe 6 më sipër do të hyjnë në fuqi pas zgjedhjeve të ardhshme zgjedhore dhe parlamentare.”

Për këtë arsye, kërkojmë mirëkuptimin tuaj për përfshirjen e këtyre çështjeve në Rendin e Ditës së mbledhjes së rradhës.

Mbetemi në pritje të konfirmimin nga ana juaj!
Oerd Bylykbashi
Petrit Vasili