Pas grave dhe të rinjëve të PPE, Eurodeputetët Bashës: Respektoni vullnetin e Kuvendit më 11 dhe anëtarësisë në 18 dhjetor

Respektoni vullnetin e Kuvendit më 11 dhe anëtarësisë në 18 dhjetor. Ky është sugjerimi i një grupi deputetësh të cilët kërkojnë nga Lulzim Basha të pranojë vendimin e shkarkimit, duke lejuar në këtë mënyrë që partia të arrijë unitetin.

“Shqipëria ka nevojë tashti, më shumë se kurrë, për një opozitë funksionale që siguron kontroll dhe ekuilibër demokratik ndaj një qeverie socialiste gjithnjë e më arrogante.  Për ta arritur këtë, PD duhet të gjejë unitetin e saj;  prandaj ju e keni detyrim të respektoni vullnetin e kongresit të partisë dhe të anëtarësisë siç u shpreh përkatësisht në 11 dhe 18 dhjetor të vitit të kaluar,” thuhet në Letrën e eurodeputetëve të sigurt se ky gjest i Lulzim Bashës do të respektohet nga kolegët demokratë dhe nga miqtë e Partisë Popullore Europiane.

Dhe, derisa miqtë e Partisë Demokratike, ata të Forumit të Grave dhe të Rinjëve të PPE i sugjerojnë Lulzim Bashës të pranoj shkarkimin nga posti i Kryetarit, në krah të Bashës kanë dalë ustalllarët e Sigurimit, Fatos Klosi dhe Spartak Braho që paralajmërojnë edhe viktima në protestën kombëtare të thirrur nga Komisioni i Rithemelimit të PD nesër në orën 12:00.

Drejtuar: deputetit Lulzim Basha 

I dashur Lulzim Basha,

Po ndjekim me shumë preokupim zhvillimet e fundit brenda Partisë Demokratike. Ne kemi mbështetur vitet e fundit qëndrimet korrekte të PD-së edhe në momente shumë të vështira siç do t’a mbani mend personalisht.  Shqipëria ka nevojë tashti, më shumë se kurrë, për një opozitë funksionale që siguron kontroll dhe ekuilibër demokratik ndaj një qeverie socialiste gjithnjë e më arrogante.  Për ta arritur këtë, PD duhet të gjejë unitetin e saj;  prandaj ju e keni detyrim të respektoni vullnetin e kongresit të partisë dhe të anëtarësisë siç u shpreh përkatësisht në 11 dhe 18 dhjetor të vitit të kaluar.

Duke marrë përsipër përgjegjësinë personale dhe duke konkluduar siç duhet për pasojat sigurisht që ju do të kontribuonit për forcimin e  PD-së në gjithë vendin si dhe të grupit parlamentar të saj. 

Jemi të sigurt se gjesti juaj do të respektohet nga kolegët tuaj demokratë dhe nga miqtë tuaj të Partisë Popullore Europiane.