Pas kallëzimit të Belerit, SPAK sekuestron pasurinë e bashkëshortit të Olta Xhaçkës

Në kuadër të hetimit të nisur mbi bazën e kallëzimit të Kryetarit të zgjedhur të Bashkisë Himarë, Fredi Beleri, SPAK ka vendosur që të ngrijë pasurinë truall prej 5.512 m² të Artan Gaçit, bashkëshortit të ish-ministres Olta Xhaçka, aty ku po ndërton vila luksoze si investitor strategjik.

Fredi Beleri pretendon se prona është marrë përmes AMTP-ve të falsifikuara. Me qëllim që dokumentet të mos tjetërsohen, SPAK ka bërë sekuestrimin e tyre, ndërsa prona në emër të Artan Gaçit nuk mund të tjetërsohet.

Ndryshe, SPAK thirri pak javë më parë dhe mori në pyetje Kryetarin në detyrë të Bashkisë Himarë, Jorgo Gore dhe bashkëshortin e Olta Xhaçkës.