Pas Këshillit të Sigurisë, Vuçiç: Refuzova propozimin e Quintit, kërkoj tërheqjen e të gjitha forcave nga Veriu
Pas mbledhjes së Këshillit të Sigurisë Kombëtare, Presidenti i Serbisë, Aleksandar Vuçiç, doli edhe më luftënxitës se sa që ishte dje, dhe kërkoi tërheqjen e të gjitha forcave nga Veriu i Kosovës, përgjigje urgjente nga BE nëse keziston Marrëveshja e Brukselit për lëvizjen e lirë ndërsa me gjuhë kërcënuese tha se ka refuzuar zgjidhjen e kompromisit që ofruan shtetet e Quintit, që sipas tij e përçmojnë Serbinë.
Presidenti i Serbisë tha se Këshilli i Sigurisë ka marrë disa vendime ndërsa shtoi se Serbia do të vazhdoj të kërkoj ruajtjen e paqes, stabilitetit dhe sigurisë së plotë, por edhe sigurinë e plotë për popullsinë serbe në Kosovë.
“Konsiderojmë të pashembullta deklaratat ku Beogradi dhe Prishtina barazohen. Serbia dëshiron të vazhdoj dialogun por nuk dëshiron të pranoj marrëveshje me aksione kriminale,” tha Presidenti i Serbisë duke shtuar se në mëngjes ka biseduar me Ambasadorët e shteteve më të fuqishme perëndimore, Ambasadorët e Quintit, se si duhet të duket një zgjidhje kompromisi.
“Kam refuzuar atë zgjidhje sepse nuk është zgjidhje kompromisi por një zgjidhje që do ta përçmonte Serbinë. Kjo është zgjidhje ku 70 për qind e asaj që kanë menduar shqiptarët ta bëjnë në kufi do ta harronin por do të zbatoheshin 20-30 për qind të masave. Miratimin për refuzim e kam marrë edhe nga Këshilli i Sigurisë. E kam hedhur poshtë sepse jam ngopur me politikën e aktit të kryer dhe kështu nuk mund të bisedoni më me Serbinë,” tha Vuçiç.
Situatën e ilustroj me një blerje në dyqan,kur ekziston marrëveshja, që pesë kilogram portokall të shitet 1.000 dinar, e marrëveshja nuk respektohet. “Ju paguani, shitësi ti merr lekët e ti pastaj kërkon portokallin, e ai të thotë jo, jo, këto janë portokaj të veçantë, duhet ende lekë, e ju thoni se marrëveshja ishte pesë kilogram për një mijë dinarë dhe natyrisht shpërthen përleshja dhe vjen polici, e këta janë shtetet e Quintit, dhe thonë qetësohuni, ju jeni të njëjtë, ti shto 300 dinar dhe kjo është zgjidhje kompromisi. Në këto mashtrime rrugaçërore të Prishtinës më askush nuk pajtohet,” tha Vuçiç.
Kështun shtetet e Quintit përveç refuzimit të zgjidhjes së kompromisit kanë konfirmuar dhe atë që tha Presidenti i Kroacisë, Zoran Milanoviç, në Universitetin Columbia në kuadër të Forumit Botëror të Liderëve në New York. Duke iu referuar zgjerimit të Bashkimit Evropian, ai vlerësoi se jo të gjitha vendet e Evropës Juglindore e kanë motivimin e nevojshëm për t’u anëtarësuar në BE ndërsa saktësoi se për Serbinë pengesa më e madhe në rrugën e anëtarësimit është presidenti Aleksandar Vuçiç, për të cilin u shpreh qartë se është një nga nxitësit më të shquar të luftës në vitet ’90.
