Pas Komisioneres për Kulturë, Basha: Të ndalet provokimi për prishjen e paligjshme të Teatrit!

Duke falënderuar Komisioneren evropiane për Kulturë, Mariya Gabriel, për mesazhin e qartë për respektimin e ligjit, Kryetari i Partisë Demokratike, Lulzim Basha, bënë thirrje të ndalet menjëherë dhunimi i Kushtetutës dhe ligjit, si dhe provokimi për prishjen e paligjshme të Teatrit Kombëtar.

“Faleminderit @GabrielMariya, @europanostra dhe @LSorecaEU për mesazhet e qarta për respektimin e ligjit dhe thirrjen për dialog me artistët dhe ekspertët e trashëgimisë kulturore,” falënderon Lulzim Basha përmes rrjetit social Twitter duke sjellë mesazhin e Komisioneres evropiane për Kulturë, Mariya Gabriel, ndërsa bënë thirrje:

“Të ndalet menjëherë dhunimi i Kushtetutës & ligjit dhe provokimi për prishjen e paligjshme të TK.”

Ndryshe, pas reagimit të Ambasadorit të BE në Tiranë, Luigi Soreca dhe Organizatës për Mbrojtjen e Trashëgimisë Kulturore Europiane “Europa Nostra”, Komisionerja evropiane për Kulturë, Mariya Gabriel, përmes rrjetit social Twitter u ka bërë apel institucioneve shqiptare për dialog konstruktiv përpara se të marrin një vendim të pakthyeshëm për Teatrin Kombëtar.

“Dialogu me shoqërinë civile dhe ekspertët e trashëgimisë #kulturore është i domosdoshëm përpara se të merrni një vendim të pakthyeshëm në #Teatrin Kombëtar#Tirana.
Ne inkurajojmë fuqimisht të gjitha institucionet përkatëse kombëtare që të përfshihen tani në një dialog konstruktiv me palët e trashëgimisë.”