Pas Kryesisë PS, Edi Rama: Reformat edhe pa PD-në!
Pas mbledhjes së Kryesisë së Partisë Socialiste, Kryeministri Edi Rama tha se përveç diskutimeve për procesin zgjedhor brenda partisë, temë diskutimi ka qenë edhe vendimi i BE për të mos çelur negociatat me Shqipërinë. Me këtë rast Edi Rama e bëri të qartë se nuk e ka ndërmend të jap dorëheqje ndërsa identifikoi edhe fajtorin e dytë, pas Bashkimit Evropian pse nuk u çelën negociatat me BE: Opozitën!
“Ata kanë punuar shumë fort e nuk kanë lënë gur pa luajtur. Nuk ia kanë dalë sepse ne kemi arritur të kapërcejmë pengesën e ngritur arfiticialisht në 6 muajt e parë të vitit, duke marrë mbështetjen e Gjermanisë. Dy vendet nuk morën dot atë që iu takonte si rezultat i një përplasje të brendshme në familjen europiane. Është materializuar ajo që kam paralajmëraur një konflikt mbi të ardhmen e BE. Në këtë pikë, ne këtu apo ata në Maqedoninë e Veriut, nuk kanë më shumë në dorë se të bëjmë detyrat e shtëpisë,” tha Edi Rama dhe ndonënse nuk dëgjoi ndonjë falënderim, e përsëriti:
“Siç e shikoni dielli ka dalë përsëri, dita ka filluar përsëri dhe rruga jonë vijon pa asnjë lëkundje dhe ekuivok!”
Në ditët në vijim, tha Kryeministri, do të takohet me Presidentin e Francës, Emmanuel Macron:
“Ditët në vijim kam një sërë komunikimesh me Presidentin e Francës dhe një sërë drejtuesish tjerë të vendeve anëtare për të kuptuar ecurinë e mëtejshme të procesit,” tha Edi Rama duke dhënë dhe një lajm të mirë, se kriminelët socialistë që shkatërruan këtë vend, janë bërë dhe praktik:
“Në aspektin praktik ne jemi të qartë duhet të vazhdojmë cdo ditë punën se edhe nëse do kishim marrë një “po” të shumëpritur të merituar, detyrat janë po ato, të ecim para me reformën zgjedhore e brenda vitit të ngjisi shkallën e parë të miratojmë në parlament sipas rekomandimeve te OSBE ODIHR, të presim për plotësimn e Gjykates Kushtetuese dhe me radhë pikat e përcaktuara nga Bundestagu që janë të rëndëishme për ne e jo të nevojshme për Gjermaninë,” Kryetari i Partisë Socialiste, Edi Rama duke e bërë të qartë se Reformën Zgjedhore do ta bëjnë edhe pa Partinë Demokratike.
