Pas leksionit “Spiropali”, Konferenca e Kryetarëve cakton datën e raundit të tretë për Presidentin
Edhe sot në Konferencën e Kryetarëve për zgjedhjen e Presidentit të Republikësu dëgjuan replika dhe diskutime mes përfaqësuesve të opozitës dhe mazhorancës, ku mungesa e dakordësisë mbizotëroi edhe sot ashtu si dhe aktrimi i Taulant Ballës dhe Enkelejd Alibeajt, deri sa i pari tha se nuk do të pranoj kushte nga PD për të zgjedhur një prej propozimeve të tyre për president ndërsa i dyti e përcaktoi procesin si një farsë pasi PS nuk po bënte asnjë lloj propozimi.
Por ajo që nuk ishte dëgjuar deri më sot në procesin e zgjedhjes së Presidentit të Republikës ishte zëri i prerë i ministres Elisa Spiropali i cili i fiku dhe deputetët e Lulzim Bashës me në krye Enkelejd Alibeajn që propagandonin idenë se ata janë dhe faktor në negociatat për zgjedhjen e presidentit.
“Për çfarë uleni me ne, pse jeni në Kuvendin e Shqipërisë. Është një argument që nuk qëndron,” u tha qartë Spiropali duke u kthyer në identitetin si negociojnë socialistët dhe jo si propagandonin deputetët e Lulzim Bashës, me meqë ishte një diskutim “live” u dha intenerarin që do të pranohet dhe të cilin Alibeaj me shokë nuk e kishte të qartë se ishte një dhe vetëm një, ashtu siç thotë Edi Rama, emra me firmë, votë dhe mbështetje për kandidatë me kriteret, sqaroi Siropali, që i kanë shpalosur
Pavarësisht këtij aktrimi Balla-Alibeaj dhe leksionit “Spiropali”, palët miratuar propozimin e Kryetarit të Grupit Parlamentar të PS, Taulant Balla që raundi i tretë për votimin e Presidentit të ri të Republikës të mbahet më 30 Maj në orën 10:00.
“Për çfarë uleni me ne, pse jeni në Kuvendin e Shqipërisë. Është një argument që nuk qëndron. Kemi qene që ditën e parë të gatshëm per të folur me emra, kemi qene me Mediun, Dodën. Jemi të gatshëm për emra, kushte nuk vëmë, kushte nuk na vini. Nuk kemi nga ana juaj asnjë shkresë zyrtare ku këto emra të paraqiten, i kemi dëgjuar nga mediat.
Nuk flasim në kokën tonë. Por patjetër konsultohemi me forumet e partisë. Nëse doni eja të ulemi, të diskutojmë, ama na duhet në këtë pikë të diskutojmë emra pastaj firme, votë e mbështetje. Ne mbështesim një kandidatë që ka kriteret që kemi shpalosur. Nëse biem dakort votojmë.
Ama unë nuk marr pjesë , se s’dua të marrë pjesë e jua lë topin, këtë nuk e pranoj. Nëse është problem i opozitës se kujt i mbetet faji që flet me armikun ky nuk është problemi yt. Orën e keni, ditën e keni, ejani të ulemi dhe na sillni emrat,” tha Elisa Spiropali duke hedhur poshtë gjithçka u tha nga deputetët e Lulzim Bashës me në krye Enkelejd Alibeaj mbi kushtet e tyre për zgjedhjen e Presidentit, gjithsesi ata e votuan në qetësi propozimin e Taulant Ballës mbi ditën e raundit të tretë.
Kështu, raundi i tretë do të zhvillohet më 30 Maj ndërsa afati i fundit për dorëzimin e emrave të kandidatëve për presidentë, shoqëruar me 20 firma të deputetëve, do të jetë ora 16:00 e datës 29 maj, pra një ditë para votimit në parlament.
Ndryshe, dy raundet e para për votimin e Presidentit të Republikës dështuan pas nuk u propozua asnjë emër nga palët ndonëse pas takimit të parë u dhanë mesazhe shpresdhënëse. Kur deputetët e Lulzim Bashës shpalosën në media kushtet që i kishin dëgjuar nga Enkelejd Alibeaj gjithçka u shkatërrua sepse Taulant Balla e cilësoi gënjeshtër dhe nga marrëveshje prroi i mashtrimit Basha-Rama prodhoi dy raunde të dështuara.
Nëse dështon edhe ky raund atëherë, ashtu siç deklaroi dje kryeministri Edi Rama, PS do të mblidhet për të diskutuar lidhur me emra të ndryshëm meqë votat për zgjedhjen e Presidentit në raundin e katërt i ka, dhe nuk duhet më as Luli dhe as aktrimi.
