Pas lojërave me Gjykata dhe Autorizime, Berisha: PD është një dhe vetëm një!

Përkundër lojërave me Gjykata të Kryeministrit Edi Rama dhe atyre me Autorizime të asqerit të tij Lulzim Basha, Kryetari i Partisë Demokratike, Sali Berisha, tha se PD është e aftë t’i rezistoj çdo mafie ndërsa e bëri të qartë se PD është një dhe vetëm një.

“Partia Demokratike është një dhe vetëm një! Është e ajo e anëtarësisë, është ajo që ka mbështetjen masive ndër qytetarë shqiptarë dhe nuk mund të goditet me asnjë mjet tjetër,” tha Sali Berisha përmes një videomesazhi duke përfunduar:

“Do jenë të mjerë ata që do vazhdojnë si Don Kishotër betejën me këtë forcë që ka për energji dhe frymëzim lirinë. Është e aftë t’i rezistoj çdo mafie dhe e faktoi këte. Kjo bën krenarë çdo shqiptar, çdo njeri të lirë.”