Pas luftës së humbur, Vuçiç: A mendoni se Serbinë e vogël do ta dëgjoj Amerika e madhe!

Pas debatit që u zhvillua për Ballkanin Perëndimor në kuadër të Konferencës së Sigurisë në Munchen, Presidenti i Serbisë, Aleksandar Vuçiç, tha se e kishte e kuptuar se cili ishte ai shtet evropian që e kishte mbështetur Kosovën për vendosjen e taksës, dhe për këtë gjë do të flas më vonë. Por ai mbrëmë për Hapy TV në Beograd u zbërthye fare, u bë zyrtari i parë serbë i cili e pranoi se në vitin 1999 Serbia e kishte humbur luftën me Amerikën madje tregoi dhe detajet mbi ndarjen e Kosovës dhe pse kjo ndarje dështoi.   

Mike Pompeo në mesazhin e tij tha se sovraniteti dhe pavarësia janë garanci për paqen në Ballkan, sot në 12 vjetorin e pavarësisë së Kosovë. Kjo ishte pyetja e parë dhe direkte që iu bë mbrëmë në emisionin “Ćirilica” në Happy TV të Beogradit që mori dhe përgjigje më të sinqertë se kurrë nga Presidenti i Serbisë, Aleksandar Vuçiç.

“Këtë e ka marrë falë Amerikës, dhe mendoni se ata do të ndryshojnë mendim. Pse a mund të them unë se ata do të dëgjojnë, Serbinë e vogël do ta dëgjoj Amerika e madhe, dhe atë pas konfliktit të humbur ushtarak,” tha Vuçiç i cili u përballë me pyetjen logjike të radhës, nëse kishte besuar se është i mundur përcaktimi i kufirit dhe cili ishte ky plan:

“Ne kurrë nuk do ta pranojnë shansin dhe do të vajtojmë për këtë gjë, ky ishte shansi ynë i madh. Do të kalojmë shumë keq në të ardhmen. Jam i lumtur që askush nuk do të më akuzoj mua si fajtor sepse kjo nuk do të ndodhë në kohën time. E unë ju them, kam dëgjuar zërin e popullit. Kishim shansin por nuk kishim ndërgjegje të mjaftueshme dhe mençuri,” tha Presidenti i Serbisë ndërsa për taksën kishte një rrëfim të çuditshëm të cilin e kishte nisur në Munchen dhe e vazhdoi në Beograd:

“Për taksën, shqiptarët kishin mbështetjen e një shteti të fuqishëm evropian në mënyrë që Serbia të dal nga dialogu, që të shkatërrohet cili do plan që Serbia mund ta fitonte, madje këtë as unë nuk e kisha kuptuar në fillim, e tani e kuptoj. Pas gjithë kësaj qëndron një shtet i fuqishëm,” tha Vuçiç ndërsa sqaroi edhe momentin kur intelektualët serbë firmosën peticionin dhe mendonin ta shpallin tradhtar të kombit:

“Kurrë nuk kam fshehur asgjë nga populli, kam thënë se për çfarë angazhohem, por çdo njeri në vend mendon se din më mirë se unë. A e keni vërejtur se jam tradhtar dhe kisha mbështetjen e ndonjë shteti nga Perëndimi dhe Lindja. Marrëveshja në mes të shqiptarëve dhe serbëve, si dy kombet më të mëdha në Ballkan na sjell 100 vjet paqe, zhvillim, prosperitet, të ardhme për fëmijët tanë por me këtë fakt askush nuk do të ishte i lumtur. Disa duan ta shohin Serbinë e përçmuar, ata këtu në vendin tonë që e kanë humbur Kosovën dhe Malin e Zi, flasin se si unë do të tradhtoj, por unë jam mjaft i guximshëm që të propozoj kompromis, por serbët kurrë nuk kanë pranuar kompromis në histori, dhe unë nuk jam i marrë që mos ta di këtë gjë. Opozita nuk e çanë kokën për Kosovën por mendjen e ka si ta rrëzon Vuçiçin, nuk duan t’ia dinë për Kosovën, ata nuk kanë zgjidhje për asgjë,” tha Vuçiç duke dhënë edhe një fakt të tmerrshëm ndërsa fliste për Kosovën dhe duke sharë opozitën.

 “Opozita i lëpihet të huajve, ata mua menjëherë vijnë dhe mi thonë të gjitha, se si kanë folur kundër vendit të tyre, por dua t’iu them një gjë, njeriun e thjeshtë nuk mund ta mashtroni, 100 orë film por nuk mund të ngadhënjeni ndaj njerëzve me vlera dhe punëtorë që luftojnë për të ardhmen e fëmijëve dhe Serbisë,” tha Presidenti i Serbisë duke e pranuar se me raste ishte dhe arrogant por din të kërkoj falje. Por, disa njerëz janë tmerrësisht arrogant, dhe këtë nuk do ta lejoj.

Këtë arrogancë madje e konfirmoi edhe ndër ministrat e tij, 70 për qind të cilëve tha se do ti shkarkoj:   

“Një ministër më tha pas 20 ditëve: ‘E, nuk e kam ditur se ky është numri yt i telefonit’. Prit, a është e mundur? E si i përgjigjesh ti qytetarëve? Dhe, unë kurrë nuk kam ndryshuar numrin e telefonit. Unë nuk mund ti pres katër milionë njerëz.”

Në fund, edhe pse foli për gjithçka dhe asgjë, në pjesën e pyetjeve nga qytetarët, pyetja e parë ishte për Kosovën

-A ekziton mundësia e referendumit, në pjesën serbe të Kosovës, për shkëputje?

-E drejta gjithmonë shoqërohet me fakte, dhe jo e kundërta. Fuqitë e mëdha nuk do të na lejonin, e do të çohej në këmbë e gjithë Serbia e cila mendon se e gjithë Kosova duhet të jetë e jona, përfundoi Presidenti i Serbisë, Aleksandar Vuçiç.