Pas Marrëveshjes Kosovë-Serbi, SHBA hap zyrën në Beograd për nisjen e projekteve

Pas nënshkrimit të Marrëveshjes Kosovë-Serbi në prani të Presidentit Trump në Shtëpinë e Bardhë, kreu i Korporatës Ndërkombëtare të Shteteve të Bashkuara për Zhvillim Financiar, Adam Boehler, bëri të ditur se më 22 shtator të këtij viti do të dërgojë në Beograd një delegacion të nivelit të lartë për të hapur zyrën, ku do të fillojë menjëherë puna për projektet kyçe të normalizimit ekonomik.

Në mesin e pikave të marrëveshjes, raporton RFE, është arritur pajtueshmëri që Kosova dhe Serbia do të punojnë me Korporatën Ndërkombëtare të SHBA-së për Zhvillim Financiar dhe EXIM, në memorandumet e mirëkuptimit, për të operacionalizuar këto:

-Autostradën e paqes

-Lidhjen hekurudhore Prishtinë-Merdare

-Lidhjen hekurdhore Nish-Prishtinë

-Sigurimin e financave për mbështetjen e kredive që kërkohen për ndërmarrjet e vogla dhe të mesme

-Projekte shtesë dypalëshe

-Prani e plotë ndërkombëtare në Beograd, Serbi, e Korporatës Ndërkombëtare të SHBA-së për Zhvillim Financiar.