Pas Marrëveshjes, Rama: PD do hyjë në zgjedhje, ODIHR dakord, BE e kënaqur!

Pas përmbylljes së Marrëveshjes për Reformën Zgjedhore, Kryeministri Edi Rama tha se Opozita e Bashkuara do hyjë në zgjedhje me Kodin Zgjedhor siç e deshën vetë, ODHIR është dakord, BE është e kënaqur, Shqipëria s’ka më pikëpyetje në prag të vendimit për datën e çeljes zyrtare të negociatave.

“Pas 3 vjetësh marshim e 3 netësh ngujim na sollën fjalën e fundit: “Mirë e kishim ashtu siç e kishim”. Po mirë, unë kam menduar e mendoj që ka edhe më mirë, po meqë LBPD janë të kënaqur me kaq për zgjedhjet e ardhshme, bujrum, si ta duan ata,” tha Edi Rama duke reaguar përmes rrjetit social Twitter ndryshe nga sa tha dje në seancën plenare të Parlamentit të Shqipërisë duke ironizuar fitoren e Opozitës së Bashkuar me pajtimin për Kodin Zgjedhor ekzistues.

“Rëndësi ka që: LBPD do hyjë në zgjedhje me Kodin Zgjedhor siç e deshën vetë ODHIR është dakord që kjo nuk e cënon lirinë e zgjedhjeve BE është e kënaqur,” tha Kryemnistri Edi Rama duke përfunduar:

“Shqipëria s’ka më pikëpyetje në prag të vendimit për datën e nisjes zyrtare të negociatave. Ah po, mbaroi edhe revolucioni.”