Pas mediave, Edi Rama vendos Gentian Salën të kontrolloj Albin Kurtin!

“Kemi një mosdakordësi me Albinin. Kjo është mosdakordësi politike, duhet ta trajtojmë sit ë tillë. Sa për ju shikoni apo nuk shikoni, amrrëdhëniet tona nuk ndikohen nga mosdakordësia. Themeli është i natyre tjetër.” Kështu u shpreh Kryeministri Edi Rama pas deklaratave patriotike kur takoi Kryeministrin e Kosovës, Albin Kurti, ku pas tensioneve të fundit Kosovë-Serbi mbrojti edhe më shumë projektin e Presidentit të Serbisë, “Ballkani i Hapur” e për mosdakordësinë kishin gjetur zgjidhjen dh ee publikoi në Prishtinë: Gentian Sala!

“Dy qeveritë tona kanë mundësi dhe potencial për të realizuar projektet, për këtë duhet të rrisim bashkëpunimin për më shumë barazi dhe mirëqenie ndërmjet dy vendeve. Do të punojmë së bashku që tregu të jetë sa më unik që kapitali dhe mallrat të lëvizin sa më lirshëm. Biseduam edhe për avancimin e marrëveshjeve të deritanishme, biseduam edhe për mbledhjen e përbashkët e cila do të mbahet në gjysmën e dytë të muajit nëntor. Po ashtu, edhe për emërimin e një sekretariati për mbikëqyrjen e këtyre marrëveshjeve,” tha Albin Kurti e për ata që ishin shqetësuar për mosdakordësinë e dy kryeministrave shqiptar Kurti i qetësoi ndonëse zgjidhja ishte kriminale:

“U dakorduam që të kemi edhe një Sekretariat për marrëdhëniet tona bilaterale, që të udhëhiqet nga Gentian Sala,” tha Kurti ndërsa Rama vlerësoi figurën e këtij të fundit, duke thënë se është njeri i besuar i të dy kryeministrave.

Që Edi Rama vlerëson figurën e Gentian Salas është normale pasi ai si kreu i AMA-s kontrolloi dhe i vuri në rresht mediat me devotshmëri për llogari të rilindjes, por pse i duhet Kryeministrit të Shqipërisë kontrollimi i Albin Kurtit kjo nuk është e qartë! Apo kaq ishte edhe liria e Albin Kurtit!

E pas këtij fundi absurd, Edi Rama thotë se është i motivuar:

“Mund t’iu them se jemi vërtet të motivuar plotësisht të angazhuar, bashkërisht, gjë që ishte shumë e qartë dhe në takim, që këto marrëdhënie të shkojnë në një nivel tjetër dhe që gjithë ato marrëveshje të zbatohen, ashtu si dhe të tjera çështje të shtrohen për zgjidhje dhe të zgjidhen. Sot kemi dakordësuar për vendosjen e një personi kyç, si koordinator i kësaj përpjekjeje të përbashkët, që do të jetë i lidhur direkt me zyrat tona respektive, që ka dhe dy pasaporta, që gëzon besimin e plotë të të dyve ne, dhe jam i bindur që do të jetë një ndihmë për të mos lejuar që burokracia të bëjë atë që është mësuar të bëjë gjithmonë.

Unë dhe delegacioni jonë jemi sot këtu dhe kjo është vizita e parë zyrtare, për të shprehur dëshirën maksimale që marrëdhëniet mes dy qeverive tona të jenë fakt i domosdoshmërisë për t’i lidhur edhe më fort këto dy vende”, shtoi kryeministri shqiptar,” tha Edi Rama duke bërë të ditur se Kosova dhe Shqipëria do të zhvillojnë mbledhjen e radhës mes dy qeverive në javën e fundit të muajit nëntor:

“Në javën e fundit të nëntorit, do të mbajmë mbledhjen e përbashkët të dy qeverive, në Durrës, dhe do të punojmë intensivisht për të bërë gjithë skanimin e marrëveshjeve dhe për të vendosur pikat mbi i për të gjitha vendimmarrjet e mbledhjeve të dy qeverive.”