Pas Ministrave të BE, PD: Edi Rama tradhëtoi ëndrrën e shqiptarëve për integrim!
Pas mbledhjes së ministrave të jashtëm të BE-së ku iu bë e qartë Kryeministrit të Shqipërisë që vazhdon e feston hapjen e negociatave se ato nuk do të fillojnë pa plotësimin e kushteve, ka reaguar Partia Demokratike përmes Ish-Deputetes Jorida Tabaku, duke theksuar se Edi Rama tradhëtoi ëndrrën e shqiptarëve për integrim!
“Kjo ishte një vulë konfirmimi se kokëfortësia për të rrëzuar institucionet e dialogut demokratik janë shkaqe të mjaftueshme për të ngelur në klasë vendin. Hapja e negociatave dhe diskutimi i kapitujve që do të nisë ditën e parë të konferencës së parë Ndërqeveritare po shtyhet jo si pasojë e problemeve të BE por si pasojë e problemeve të qeverisë shqiptare,” tha Jorida Tabaku duke shtuar se tradhëtia e misionit historik të Shqipërisë për t’u përfshirë në familjen Europiane i mbetet kryeministrit Rama.
“Refuzimi që i bëri ai marrëveshjes së 5 qershorit dakordësuar dhe firmosur me bekimin dhe ndërmjetësinë e BE-së dhe SHBA është shkaku kryesor për këtë refuzim,” sqaron PD duke sjellë në vëmendje deklaratën e ministrit gjerman i cili këmbënguli në mungesën e një reforme elektorale zgjedhore sipas dakordësisë gjithëpërfshirë dhe me konsensus.
Ndërkohë që përpos kësaj janë dhe 5 parakushte të tjera të mirëpërcaktuara nga BE për të nisur konferencën e parë ndërqeveritare, funksionimi i Gjykatës së Lartë dhe Kushtetuese, plani i veprimit për pastrimin e parave, ligji i medias dhe minoritetet, thekson Tabaku në reagimin e saj përmes rrjetit social Facebook duke vlerësuar se të gjitha këto janë përgjegjësi politike të Edi Ramës!
“Tradhëtari i vizionit kombëtar zgjodhi llogaritë politike përpara interesit të 3 milion shqiptarëve të cilëve iu preu ndër të tjera dhe ndihmën dhe paketa ekstra ekonomike që vendi do të përfitonte,” konstatin Ish-Deputetja e PD, Jorida Tabaku, duke shtuar se çdo shqiptar e ka të qartë se kush është tradhëtari i historisë moderne post-komuniste të Shqipërisë, ndërsa përfundon:
“Kryeministri Rama ka treguar nga viti 2014 e këndej se ai ka dashur Europën jo për vlerat e demokracisë dhe lirisë që ajo ofron. Ai e ka dashur BE-në vetëm për t’ia shitur shqiptarëve propagandën manipuluese se anëtarët e BE e mbështesin atë.”
Ndryshe, dje ministrat e jashtëm të BE vlerësuan se asnjë nga 6 parakushtet e BE-së nuk ishin zbatuar nga Qeveria e Shqipërisë që drejtohet nga Edi Rama.
Reagimi:
Edi Rama tradhëtoi ëndrrën e shqiptarëve për integrim!
Lajmi i djeshëm pas mbledhjes së ministrave të jashtëm të BE-së ishte një vulë konfirmimi se kokëfortësia për të rrëzuar institucionet e dialogut demokratik janë shkaqe të mjaftueshme për të ngelur në klasë vendin. Hapja e negociatave dhe diskutimi i kapitujve qe do të nisë ditën e parë të konferencës së parë Ndërqeveritare po shtyhet jo si pasojë e problemeve të BE por si pasojë e problemeve të qeverisë shqiptare.
Tradhëtia e misionit historik të Shqipërisë për t’u përfshirë në familjen Europiane i mbetet kryeministrit Rama. Refuzimi që i bëri ai marrëveshjes së 5 qershorit dakordësuar dhe firmosur me bekimin dhe ndërmjetësinë e BE-së dhe SHBA është shkaku kryesor për këtë refuzim.
Kjo u vu re qartë edhe nga deklarata e ministrit gjerman Qe këmbënguli në mungesën e një reforme elektorale zgjedhore sipas dakordësisë gjithëpërfshirë dhe me konsensus. Ndërkohë që përpos kësaj janë dhe 5 parakushte të tjera të mirëpërcaktuara nga BE për të nisur konferencën e parë ndërqeveritare, funksionimi i Gjykates se Larte dhe Kushtetuese, plani i veprimit per pastrimin e parave, ligji i medias dhe minoritetet! Te gjitha pergjegjesi politike e ER!
Tradhëtari i vizionit kombëtar zgjodhi llogarite politike përpara interesit të 3 milion shqiptarëve të cilëve iu preu ndër të tjera dhe ndihmën dhe paketa ekstra ekonomike që vendi do të përfitonte.
Çdo shqiptar e ka të qartë se kush është tradhëtari i historisë moderne post-komuniste të Shqipërisë. Kryeministri Rama ka treguar nga viti 2014 e këndej se ai ka dashur Europën jo për vlerat e demokracisë dhe lirisë që ajo ofron. Ai e ka dashur BE-në vetëm për t’ia shitur shqiptarëve propagandën manipuluese se anëtarët e BE e mbështesin atë.
Kjo propagandë e rreme u shkërmoq ditën e djeshme kur ministrat e jashtëm ishin te bindur se asnjë nga 6 parakushtet e BE-së nuk ishin zbatuar nga qeveria Rama.
Tashmë është kthyer në vendimtare beteja e 25 prillit 2021 për të rrëzuar tradhëtarin e vërtetë ndër shqiptarë. Njeriun që për pushtetin e tij personal ka vendosur në rrezik integrimin e vendit dhe mbi të gjitha demokracinë në Shqipëri.
