Pas ndeshjes Shqipëri-Poloni, Fico: Pritet çudia: Rritje të infeksionit dhe vdekjeve!

Pas prezencës së tifozëve mbrëmjen e djeshme në stadiumin “Air Albania” në ndeshjen Shqipëri-Poloni, Drejtorja e Institutit të Shëndetit Publik, Albana Fico, ka paralajmëruar shtim të rasteve të infeksionit, shtrimeve spitalore dhe vdekjeve nga COVID-19.

“Për faktin se shkohet te Arena me 22 mijë tifozë. Pritet nesër çudia historike. Në fakt pritet rritje e të prekurve nga infeksioni, të ndjekur nga shtrime spitalore dhe persona që vdesin me ato mënyrat që i kemi shpjeguar, me ato numra që i kemi shpjegur disa herë me 10-15 në ditë. Çdo njeri vlen. Çdo njeri është nëna, baba, motra dhe vëllai i dikujt tjetër,” tha Albana Fico në një takim me studentë në Elbasan duke shtuar:

“Me përgjegjësi personale ju them se kemi rritje të rasteve dhe në moshat deri në 30 vjeç, ata njerëz që mund ta kenë kaluar dhe pas 5 6 muajsh kanë dëme. Post Covidin ne nuk e kemi të studiuar,” tha Drejtorja e Institutit të Shëndetit Publik, Albana Fico, duke ritheksuar se pasojat e Long Covidit janë një kosto shumë e madhe.