Pas njoftimit nga QKMK, Tirana zyrtare “rihap” kufirin me Kosovën, fajëson mediat…

Qeveri kaotike në gjendje paqe dhe jo në situatën në të cilën ndodhet Shqipëri. Kjo u dëshmua edhe pas lajmërimit nga Qendra Kombëtare për Menaxhimin e Kufirit, QKMK, e cila funksionon në kuadër të Ministrisë së Punëve të Brendshme të Kosovës, ka njoftuar se duke filluar nga data 13 mars, 2020, do të ndalohet hyrja në Shqipëri për të gjithë shtetasit, përkatësisht veturat e Kosovës.

Pasi turpi mori dhenë meqë asnjë pikë kufitare tjetër nuk ishte mbyllur, policia e Edi Ramës, duke akuzuar mediat online në Shqipëri e Kosovë, “rihap” kufirin:

“Të gjitha pikat e kalimit me Kosovën, Malin e Zi, Maqedoninë e Veriut dhe Greqinë, janë funksionale dhe vijon përpunimi i dokumentacionit të qytetarëve dhe automjeteve, duke respektuar dhe zbatuar masat e marra për mbrojtjen nga COVID-2019, si dhe për parandalimin e përhapjes së tij,” thekson Policia Kufitare në reagimin e saj e cila nuk vepron me shkresa por me urdhëra përmes telefonit dhe derisa akuzaon medait online si shefi i saj Edi Rama, nëse ka vendour të përgështroj dikë, nuk e ndalon njeri, le ta përgënjeshtron, akuzon dhe shanë siç e ka zakon, Ministrinë e Punëve të Brendshme në Kosovë ose më saktë QKMK-në që ka njoftuar se duke filluar nga data 13 mars, 2020, në ora 06.00, do të ndalohet hyrja në territorin e Republikës së Shqipërisë për të gjithë shtetasit, përkatësisht veturat e Republikës së Kosovës.

“Do të lejohet hyrja vetëm e veturave të shëndetësisë apo ndihmës së shpejtë, automjeteve komerciale (ato të cilat bartin mallra) dhe veturave qeveritare. Kjo masë do të zgjasë deri me datën 15 mars, 2020 në ora 24.00”, thuhet në njoftimin e QKMK-së që nuk është medi, aq më pak online.

Deklarata:

Nisur nga disa lajme që qarkullojnë në media online në Shqipëri e Kosovë, se janë mbyllur pikat e kalimit me Kosovën, bëjmë me dije se:

Të gjitha pikat e kalimit me Kosovën, Malin e Zi, Maqedoninë e Veriut dhe Greqinë, janë funksionale dhe vijon përpunimi i dokumentacionit të qytetarëve dhe automjeteve, duke respektuar dhe zbatuar masat e marra për mbrojtjen nga COVID-2019, si dhe për parandalimin e përhapjes së tij.

Pika e Kalimit Kufitar në Qafë Botë, Sarandë, është funksionale. Për momentin, pika nga pala greke është e mbyllur sepse po kryejnë dizinfektimin dhe menjëherë në përfundim të dizinfektimit, edhe nga pala greke do jetë e hapur.

Policia Kufitare kërkon mirëkuptimin dhe bashkëpunimin e medias. Para se të publikojnë lajme të marrin konfirmim zyrtar, për të mos krijuar panik apo dizinformim tek qytetarët.

Policia e Shtetit këshillon që qytetarët të minimizojnë lëvizjen me mjete në qytetet ku është ndaluar qarkullimi apo në drejtim të qyteteve ku ka Pika Kufitare.

Policia Kufitare po plotëson të gjitha detyrimet për intervistimin e plotësimin e formularëve në të gjitha PKK-të, për të bërë të mundur ndjekjen në vijim të rasteve të dyshuara për shtetas shqiptarë apo të huaj që hyjnë në Shqipëri dhe mund të jenë të infektuar potencialë me COVID-19.