Pas pavarësimit të rrjetit energjetik, Albin Kurti në KOSTT

Kryeministri në detyrë, Albin Kurti, pas pavarësimit të rrjetit energjetik të Kosovës, së bashku me ministren e Ekonomisë, Rozeta Hajdari, është takuar me përfaqësuesit e KOSTT-it ku u diskutua për funksionimin dhe operimin e sistemit të transmetimit dhe tregut të energjisë elektrike në Kosovë.

“Erdha për të uruar dhe për të përgëzua për suksesin e madh që është arritur dje, por edhe për pavarësinë energjetike të Kosovës,” tha Albin Kurti pas takimit ku u takua rreth procesit të votimit të marrëveshjes se re ndërmjet të KOSTT dhe ENTSO-e, gjithashtu edhe për për përgatitjet e KOSTT-it për operimin e kuadër të Bllokut Rregullues AK ndërsa shtoi:

“Me bërjen e KOSTT-it me të drejta të barabarta kjo i hap rrugë një intereksioni prej 400 KW me Shqipërinë. 22 operatorë kanë mundësuar që ne të bëhemi të pavarur. Të kalojmë në bllok rregullues me Shqipërinë”.

Ndërsa Drejtori i KOSTT-it, Ilir Shala, ka sqaruar se rrjeti energjetik do të operojë i pavarur nga 15 maji dhe se do të rriten të hyrat.

“Në këtë marrëveshje që pritet të nënshkruhet në ditët në vijim do t’i njihen kufijtë energjetik brenda bllokut rregullues me Shqipërinë,” tha Shala duke saktësuar:

“Me 15 maj do të operojmë të pavarur. Të hyrat do të rriten!”

Ndryshe, dje është mbyllur procesi i votimit dhënien të drejtë dhe pavarësi Kosovës për nënshkrimin e marrëveshjes së lidhjes së KOSTT me Operatorët e Transmetimit të Europës Kontinentale. Rezultati i votimit ka qene një sukses i plotë, 22 vota për, 4 abstenim dhe 3 kundër (Spanja, Bosnje Hercegovina dhe Sllovakia).

Nënshkrimi i kësaj marrëveshjeje është një hap i rëndësishëm për KOSTT në rrugëtimin e tij për shfrytëzimin e Sistemit Elektroenergjetik të Kosovës njësoj si të gjitha vendet e tjera të Evropës në zbatim të standardeve Evropiane për Operimin e Sistemit. Kjo marrëveshje pritet të hyjë në fuqi në 14 Maj.

Gjithashtu kjo marrëveshje ofron mundësinë e rritjes së shkëmbimeve tregtare dhe krijimin e lehtësirave për tregtarët e energjisë elektrike për të kryer transaksione në kufirin Shqipëri- Kosovë, nxit iniciativat rajonale për bashkimin e tregjeve të energjisë, të cilat parashikohet të sjellin dhe një ulje të çmimeve të energjisë për konsumatorët, duke nxitur njëkohësisht edhe iniciativat e përdorimit të energjisë balancuese, në kuadër të Kodit Evropian të balancimit.

Aprovimi i marrëveshjes, i hap rrugës hyrjes në fuqi të marrëveshjes mes OST dhe KOSTT sa i takon uljes së humbjeve teknike në sistemet e transmetimit respektive.

Marrëveshja në fjalë do të bëjë të mundur edhe shtimin e kapaciteteve transmetuese të OST, ku nëpërmjet investimit të ri të planifikuar të linjës 400kV Shqipëri-Maqedoni e Veriut, OST do të jetë e ndërlidhur me të gjithë Operatoret e Transmetimit të vendeve fqinje nëpërmjet rrjetit 400kV, i cili ofron një besueshmëri të lartë në operimin e sistemit elektroenergjetik.