Pas propozimit të Opozitës së Bashkuar, PD: Sot Edi Rama është i tmerruar nga vota e shqiptarëve!

Pas propozimit të Opozitës së Bashkuar për hapjen 100% të listave dhe kundërshtimit nga Kryeministri duke vazhduar me alibi nga më të ndryshmet, ka reaguar Partai Demokratike përmes Ish-Deputetit Endri Hasa duke theksuar se pasi e rrënoi Shqipërinë për 7 vjet, Edi Rama sot është i tmerruar nga vota e shqiptarëve.

“Edi Rama vazhdon cirkun dhe piruetat e propagandës duke shpikur çdo lloj alibie për të bllokuar bashkimin e madh qytetar kundër tij. Është e qartë për të gjithë që fleta e votimit nuk preket fare nga ekzistenca e koalicioneve parazgjedhore,” thekson Endri Hasa në reagimin e tij përmes rrjetit social Facebook duke shtuar se Edi Rama e di mirë që tashmë ka ngelur vetëm dhe në mënyrë të dëshpëruar po kërkon të bllokojë koalicionet duke premtuar fund listat e hapura, duke lene shumicen e qarqeve me lista defakto te mbyllura ndërsa përfundon:

“Edi Rama nuk e do hapjen e listave, ai thjesht do që të ndryshojë kushtetutën që të ndalojë koalicionet parazgjedhore.”

Reagimi:

Pasi e rrënoi Shqipërinë për 7 vjet Edi Rama është i tmerruar nga vota e shqiptarëve.

Ai vazhdon cirkun dhe piruetat e propagandës duke shpikur çdo lloj alibie për të bllokuar bashkimin e madh qytetar kundër tij.

Është e qartë për të gjithë që fleta e votimit nuk preket fare nga ekzistenca e koalicioneve parazgjedhore.

Edi Rama e di mirë që tashmë ka ngelur vetëm dhe në mënyrë të dëshpëruar po kërkon të bllokojë koalicionet duke premtuar fund listat e hapura, duke lene shumicen e qarqeve me lista defakto te mbyllura.

Edi Rama nuk e do hapjen e listave, ai thjesht do që të ndryshojë kushtetutën që të ndalojë koalicionet parazgjedhore