Pas publikimit të dokumenteve nga PD, Edi Rama: Valdrin ik!

Jo Valdrini,po vëllai im të jetë,s’ka shans të hedhë asnjë hije dyshimi mbi PS dhe mbi mua,në raport me ligjin e me besnikërinë ndaj popullit! Kështu i dha fund Kryeministri Edi Rama betejës së trafikantit Valdrin Pjetri i cili ishte krehur mirë për tu bërë Kryetar i Bashkisë Shkodër pa e respektuar të kaluarën rilindase të shefit të tij me roshët.

“Përgjegjësia për çdo akt individual të padenjë është individuale. Përgjegjësia jonë është si reagojmë ndaj një akti të padenjë individual!”

I edukuar, i zoti, i respektuar familjarisht në Shkodër e kudo ka punuar, ishte furça e fundit që Edi Rama i dha Vladrin Pjetrit përmes rrjetit social Twitter, për t’ia bërë të qartë se kjo s’mjafton më!

“Kurrë s’kam menduar se Valdrini mund të fshehë të vërtetën në raport me ligjin, po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht.”

Në fund, roshëve dhe avldrinëve u bëri të qartë se mund të jenë fitues deri sa të kapen, por kolltukun e jep për asnjërin në këtë botë sado trafikant i mirë i drogës të jetë:

“Unë s’kam ndërmend të toleroj askënd dhe as të marr përsipër raportin individual me ligjin të askujt! Shkoj në luftë për çdo ide, qëllim a shok armësh, po kosto veprimesh individuale të dyshuara si ky, as marr më,as lejoj më t’i marrë PS!”

Reagimi i Ramës:

Jo Valdrini,po vëllai im të jetë,s’ka shans të hedhë asnjë hije dyshimi mbi PS dhe mbi mua,në raport me ligjin e me besnikërinë ndaj popullit! Përgjegjësia për çdo akt individual të padenjë është individuale.Përgjegjësia jonë është si reagojmë ndaj një akti të padenjë individual!

I edukuar,i zoti,i respektuar familjarisht në Shkodër e kudo ka punuar,po kjo s’mjafton më!Kurrë s’kam menduar se Valdrini mund të fshehë të vërtetën në raport me ligjin,po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht.

E me këtë rast,të tërë ta fusin mirë në kokë:Unë s’kam ndërmend të toleroj askënd dhe as të marr përsipër raportin individual me ligjin të askujt!Shkoj në luftë për çdo ide,qëllim a shok armësh,po kosto veprimesh individuale të dyshuara si ky,as marr më,as lejoj më t’i marrë PS!