Pas publikimit të pamjeve nga Covid 2, Basha: Kësaj i druheshim, prandaj kërkuam masa serioze!

I tronditur me pamjet e publikuara nga Spitali Covid 2, Kryetari i Partisë Demokratike, Lulzim Basha, reagon duke theksuar se kjo ishte ajo që i druheshim, prandaj kërkuan prej fillimit të merreshin masa serioze dhe të bëhej gjithçka për ti dalë të keqes para.

“Dhimbja e këtij djali që lufton për të shpëtuar jetën e nënës së tij, të thyen zemrën. Kjo është e vërteta e tmerrshme që po përjetojnë të sëmurët me covid dhe familjarët e tyre. Nuk duhet të kishim ardhur në këtë pikë!” thekson Lulzim Basha në reagimin e tij përmes rrjetit social Facebook duke e shoqëruar me video ndërsa përfundon:

“Boll më me propagandë dhe gënjeshtra. Janë jetë njerëzish që kur ikin nuk kthehen më!”

Reagimi:

Jam shumë i tronditur nga këto pamje. Dhimbja e këtij djali që lufton për të shpëtuar jetën e nënës së tij, të thyen zemrën. Kjo është e vërteta e tmerrshme që po përjetojnë të sëmurët me covid dhe familjarët e tyre.

Nuk duhet të kishim ardhur në këtë pikë!

Kësaj i druheshim, prandaj kërkuam prej fillimit të merreshin masa serioze dhe të bëhej gjithçka për ti dalë të keqes para.

Boll më me propagandë dhe gënjeshtra. Janë jetë njerëzish që kur ikin nuk kthehen më!