Pas rinumërimit të 114 kutive të Beratit, KAS miraton rezultatin, rrëzon kërkesat e PD-LSI për pavlefshmëri

Pas rinumërimit të 114 kutive, Komisioni i Ankimimeve dhe Sanskioneve ka marrë vendimin përfundimtar për zgjedhjet në Qarkun Berat duke miratuar tabelën përmbledhëse me rezultatin e ri, dhe duke rrëzuar dy kërkesat e PD dhe LSI për pavlefshmëri të zgjedhjeve në këtë qark.

‘’KAS pas diskutoi çështjen në tërësi, bazuar në pikën 1d dhe 2 të Kodit Zgjedhor. Ndryshimi i vendimit të KQZ për miratimin e tabelës për qarkun Berat për subjektet zgjedhore dhe kandidat për deputet. Miratimin e tabelës përbmledhëse sipas rezultateve të dala nga 114 qendrave të votimit sa i përket subjekteve politike dhe 2 qendrave të votimit për kandidatët. Rrëzimi i kërkesës për shpallje të pavlefshme pasi konsiderohet e gjykuar në kërkesën ankimore numër 35 të paraqitur nga LSI për pavlefshmërinë në qarkun e Beratit.

Ky vendim shpallet sot dhe hyn në fuqi menjëherë. Pjesë e këtij vendimi është dhe vendimi i ndërmjetëm të rrëzimit të kërkesës së LSI dhe kërkesës së PD. Kundër këtij vendimi bëhet ankim në Kolegjin Zgjedhor para Gjykatës Administrative brenda 5 ditëve. U shpall sot në Tiranë në datën 21 maj 2021. Seanca mbyllet,” tha relatori.

Pas shpalljes së këtij vendimi, palët kanë paralajmëruar vazhdimin e betejës ligjore në Kolegjin Zgjedhor.

Ndryshe, të hënën KAS do të fillojë me shqyrtimin e kërkesave ankimore për Qarkun Durrës.