Pas shembjes së Teatrit, BE e pranon: Thirrja jonë për dialog nuk u respektua nga institucionet!

Thirrja për dialog nuk respektua nga institucionet e Edi Ramës, deklaron në reagimin e parë pas prishjes së Teatrit Kombëtar, Zyra e BE në Tiranë duke shprehur keqardhje pasi Teatri tashmë është gërmadhë:

“Prishja e Teatrit Kombëtar erdhi në një kohë kur ne kërkuam dialog midis autoriteteve dhe shoqërisë civile para se të merrej një vendim i pakthyeshëm. Na vjen keq që kjo thirrje nuk u ndoq nga institucionet përkatëse kombëtare dhe vendore.”

Ndërkohë për zhvillimet para dhe pas shembjes, Zyra e BE në Tiranë thotë se është duke i ndjekur dhe në pikun e tensionit mes palëve kërkon përmbajtje:

“Që në orët e para të këtij mëngjesi, kemi ndjekur me shqetësim të thellë zhvillimet e situatës në terren. Ne u bëjmë thirrje palëve të tregojnë përmbajtje dhe të shmangin një përshkallëzimin të situatës.”