Pas shkarkimit të Gentian Osmanit, Prokuroria çel garën për anëtarin e KLP

Rreth një muaj pas shkarkimit të prokurorit Gentian Osmani, sot Prokuroria e Pëgjithshme ka çel garën për anëtar të Këshillit të Lartë të Prokurorisë.

Gentian Osmani, u shkarkua nga detyra me vendim të Kolegjit të Posaçëm të Apelimit, me argumentin se nuk justifikonte shpenzimet përgjatë viteve 2011 dhe 2013.

Prokuroria e Përgjithshme ka ftuar sot prokurorët nga prokuroritë e shkallës së parë, që plotësojnë kriteret sipas ligjit për organet e qeverisjes së sistemit të drejtësisë, të bëhen pjesë e garës.