Pas skenarit të dhunës/ Paralajmërimi, Basha: Junta e Edi Ramës i ka ditët e numëruara!

Pasi vizitoi në Spitalin e Traumës, Sekretarin Organizativ të PD, Sahit Dollapin, dhe dhjetëra protestues të tjerë që u dhunuan nga policia kriminale e Edi Ramës, Kryetari i Partisë Demokratike, Lulzim Basha tha sot në protestën para Drejtorisë së Policisë ku kërkohet lirimi i protestuesve, se shqiptarët nuk ndalen para dhunës, junta e Edi Ramës i ka ditët e numëruara.

“Vetëm pak orë më parë e gjithë qendra e Tiranë, rrugët e sheshet, shtëpitë e tiranasve u mbushën nga dozat luftarake të gazit helmues dhe gazit lotsjellës, që ishte akti kriminal, me të ciliin kjo juntë kriminale u përgjigjet aspiratës së shqiptarëve për liri e demokraci. E kanë të kotë. Populli, opozita, shqiptarët nuk ndalen.”

Javë pas jave e muaj pas muaji që nga dita kur Edi Rama e mori pushtetin me bandën e krimit, tha Lulzim Basha, është asgjësuar çdo institucion. Parlamenti ishte i pari që ra. Në ato karrige ulen sot figurina që janë zgjedhur me gishtat, duart, mendjet e krimit dhe jo me votën e lirë të shqiptarëve. Ata nuk përfaqësojnë as demokratët, as socialistët, por faqen e zezë, llumin që e ka marrë peng këtë vend.

Në fund, kryetari i PD, Lulzim Basha, i bërit të qartë kryeministrit Edi Rama dhe juntës së tij:

“E gjithë Shqipëria e bashkuar kundër një grushti horrash që përmes një grushti shteti kanë instaluar juntën në vend. Junta i ka orët e numëruara, Maduro i Ballkanit i ka orët e numëruara. Skenari i dhunës që vuri dje në lëvizje me kriminelë të veshur me uniformë, me kriminelë të tjerë të infiltruar në turmën e protestuesve paqësorë, skenari i shërbeu Ramës vetëm për të treguar para botës se i vetmi i interesuar për dhunë është kreu i Juntës”