Pas sulmeve në SHBA/ I tronditur, Basha: Shqiptarët përkrah miqve amerikanë!

Pas dy sulmeve të përgjakshme në El Paso dhe Ohio të SHBA, Kryetari i Partisë Demokratike, Lulzim Basha, reagon i tronditur duke i dënuar si sulme burracake kundër të pafajshmëve:

“Jam thellësisht i tronditur nga sulmet burracake dhe humbja e jetëve të pafajshme në El Paso dhe Ohio. Mendimet dhe lutjet e mia janë me familjet e viktimave dhe me të plagosurit,” thekson Lulzim Basha përmes rrjetit social Twitter, sot pas këtyre sulmeve të tmerrshme ku mbetën 29 të vrarë dhe rreth 40 të plagosur dhe shqiptarët qendrojnë përkrah miqve amerikanë.

“Shqiptarët në të gjithë botën qendrojnë përkrah miqve tanë amerikanë dhe lutemi për familjet dhe të dashurit e tyre.”