Pas sulmit mbi bazat amerikane, Presidenti Trump paralajmëron sanksione të reja ndaj Iranit
Përkundër propagandës Anti-Trump edhe kur tensioniet me SHBA dhe Iranit kishin arritur kulmin ndërsa pritej që Presidenti Trump ti drejtohet kombit pas sulmit të bazave amerikane në Irak nga forcat iraniane, ndodhi e kundërta. Vendimi i Presidentit Trump uli tensionet! Në mesazhin e tij drejtuar kombit, pasi konfrimoi se asnjë ushtar amerikan nuk u vra nga sulmet e Iranit dhe dëmet materiale janë të pakta, i bëri thirrje fuqive botërore të largohen nga marrëveshja bërthamore dhe nënvizoi se Irani nuk do të jetë kurrë një fuqi bërthamore, tha se do të vendosë sanksione më të fuqishme ekonomike ndaj Iranit.
“Me vrasjen e Qassem Soleimanit ne u dërgojmë një mesazh të gjithë terroristëve,” tha presidenti Trump, ndërsa i kërkoi Iranit të heqë dorë nga ambiciet bërthamore dhe të mos mbështesë terrorizmin.
ISIS, tha Presidenti i SHBA, është një armik i përbashkët dhe i shtriu dorën bashkëpunimit Iranit për ta luftuar së bashku.
“Ne vramë liderin e ISIS, që është përgjegjës për kaq shumë vrasje, për prerjen e kokave të të krishterëve dhe myslimanëve. Ai ishte një përbindësh. ISIS është një armik natyral i Iranit dhe kjo është e mirë edhe për Iranin dhe ne duhet të punojmë së bashku.”
Presidenti i SHBA kishte një mesazh edhe për fuqitë botërore ndërsa e bëri të qartë se Irani nuk do të jetë kurrë një fuqi bërthamore.
“Britania, Franca, Gjermania, Rusia dhe Kina duhet ta kuptojnë dështimin e marrëveshjes bërthamore dhe të shkëputen prej saj,” tha Presidenti Trump duke paralajmëruar se do t’i kërkojnë NATO-s të përfshihet më shumë në Lindjen e Mesme.
“Do ti kërkoj NATO-s që të përfshihet më shumë në Lindjen e Mesme. Ekonomia amerikane është më e fortë në këto tre vite. Ne jemi vendi kryesor i prodhimit të gazit dhe naftës në botë dhe ne nuk kemi nevojë për naftën e Lindjes së Mesme.”
Fakti që SHBA ka ushtri kaq të madhe, tha ai, nuk do të thotë se duam ta përdorim, forca ushtarake dhe ekonomike është më e mira kundër terrorit.
“Forcat tona amerikane janë të përgatitura për gjithçka. Irani duket se po tërhiqet. Fakti që në kemi ushtri dhe pajisje të mrekullueshme, nuk nënkupton se na duhet t’i përdorim. Ne nuk duam t’i përdorim ato. Fuqia amerikane, si ushtarake ashtu edhe ajo ekonomike janë parandalueset më të mira,” tha Presidenti Trump ndërsa iu drejtua popullit iranian duke i bërë të qartë se SHBA është gati për paqe me Iranin.
“Ne duam që ju të keni një të ardhme që e meritoni në prosperitet dhe harmoni. Shtetet e Bashkuara janë të gatshme të diskutojnë për paqen.”
Ndryshe, sulmi i forcave iraniane ndaj dy bazave amerikane erdhi pas vrasjes së komandantit të njësisë elite Quds, Qassem Soleimani, dhe pasi konstatoi se nuk ka viktima Presidenti i SHBA, Donald Trump, reagoi përmes një mesazhi në rrjetin social Twitter duke paralajmëruar se në mëngjes (sipas orërs lokale) do ti drejtohet kombit.
“Gjithçka është mirë! Raketat janë lëshuar nga Irani në dy baza ushtarake të vendosura në Irak. Vlerësimi i dëmeve po bëhet. Ne kemi ushtrinë më të fuqishme dhe të pajisur mirë kudo në botë! Do të bëj një deklaratë nesër në mëngjes.”
