Pas sulmit terrorist serb, Vuçiç jep urdhër, reagon Lista Srpska
Pasi dy ditë heshtjeje, ku nuk u dëgjuan as sirenat e alarmit në veri, sot shfaqet Lista Srpska për të reaguar për sulmin terrorist ku mbeti i vrarë rreshteri i Policisë së Kosovës, Afrim Bunjaku, ndërsa përsërit atë që Presidenti i Serbisë, Aleksandar Vuçiç, mbrëmë, fajet i ka Albin Kurti.
Dhe, kur Vuçiç me batonët po mundohet ti bindë shqiptarët se nuk kishte autoritet mbi ata që kryen sulmin, reagimi i Listës Srpska si parti më e madhe në në veri të Kosovës, konfirmon të kundërtën.
“Do të kërkojmë hetim për vrasjen e së paku dy serbëve të vrarë gjakftohtë edhe pse janë dorëzuar. E pyesim bashkësinë ndërkombëtare pse EULEX-i nuk mori pjesë në operacion, por vetëm policia e Kurtit?” thekson Lista Srpska si inspiruese dhe organizator e dhunën në lokalitetet ku jetojnë serbët në Kosovë dhe me fjalët e Vuçiçit i jep të drejtën vetes të thotë se kanë nevojë urgjente që KFOR-i dhe EULEX-i të vendosen në veri dhe të parandalojnë përshkallëzimin e mëtejshëm të situatës.
“Prej më shumë se një viti ne paralajmërojmë se regjimi në Prishtinë po ushtron presion mbi serbët dhe çdo ditë po përshkallëzon situatën dhe po provokon reagimin e popullit. Kërkuam nga KFOR-i që të ngrejë forcat e veta dhe të veprojë në mënyrë parandaluese, kërkuam nga bashkësia ndërkombëtare që ta frenonte Kurtin, gjithmonë bënim thirrje për paqe… por më kot. Fatkeqësisht, ndodhi ajo që dëshiroi Kurti,” thekson deklarata e Listës Srpska.
Ndërkohë që partia më kriminale në Evropë, Lista Srpska, lëshon komunikatë në media shfaqet një video ku shihet terroristët serbë duke u larguar nga Manastiri i Banjskës, ku ishin strehuar me armatimin e tyre luftarak.
Nuk dihet burimi i kësaj videoje ndonëse Agjensia e lajmeve Associated Press që e publikoi e para i referohet Qeverisë së Kosovës, por, pyetja shtrohet, pse u publikua kjo video?!
Për të konfirmua lajmin e dhënë nga meidat serbe se Aleksandar Vuçiç u dakordësua me ndërkombëtarët për të shpëtuar terroristët serb, apo për të degraduar fitoren e madhe që korri Albin Kurtit duke i treguar opinionit se terorristët serbë kanë ikur!
