Pas takimit me Albin Kurtin, Vuçiç nuk qetësohet dot: Ndërkombëtarët më thanë se Serbia nuk duhet të provokojë!

Sot Presidenti i Serbisë, Aleksandar Vuçiç, në një dalje publike ka bërë të ditur se në seancën e Parlamentit e cila pritet të zhvillohet më 22 Qershor do të raportoj për dialogun Kosovë-Serbi dhe në mënyrë të detajuar do të shqyrtohet çdo çështje e rëndësisë së veçantë për situatën në Kosovë.

“Do të diskutojmë për planet dhe idetë por dhe situatën objektive me të cilën po përballemi me bashkësinë ndërkombëtare,” tha Vuçiç duke përsërit se pala kosovare kishte ardhur në Bruksel që ta nxisë delegacionin serb ta braktis takimin dhe të mos ketë dialog.

“Ne donim të bisedonim për energjetikën, por askush nuk deshi të flasë për çështje të rëndësishme, Kosova kishte disa kërkesa e Kryeministri Albin Kurti 10 herë më tha për pranimin e Kosovës dhe pyeste: ‘Kur, kur, kur…’ dhe mori një të fortë: Kurrë!”

Me këtë rast, Presidenti i Serbisë shprehu shqetësimin se moskonstruktiviteti i Prishtinës mund të sjellë përshkallëzimin e dhunës në Kosovë ndërsa i bëri thirrje bashkësisë ndërkombëtare që të ketë kujdes në mënyrë që të mos ndodhë ndonjë incident, ose çdo gjë që mund të cenoj paqen dhe stabilitetin në rajon.

“Më është thënë se nuk duhet të ketë provokime nga pala serbe, siç janë, liturgjitë në kishat serbe të cilat kanë përfituar prona në kohën e qeverisjes së Sllobodan Millosheviçit, ku unë mbeta pa fjalë,” tha Vuçiç duke shtuar: “Nuk është provokim kur shkruajnë grafite dhe urinojnë nëpër kisha, por është provokim shërbimi fetar, liturgjia në Kishën Ortodoske Serbe,” tha Presidenti i Serbisë, Aleksandar Vuçiç, të cilin nuk i kishte dalë inati edhe 24 orë pas takimit me Kryeministrin e Kosovës, Albin Kurti, në Bruksel ndërsa paralajmëroi takim me serbët e Kosovës.