Pas takimit me Aleatët, Berisha: Në zgjedhje me kandidatë të përbashkët!
Në zgjedhje do dalim me kandidat të përbashkët, tha Kryetari i Partisë Demokratike, Sali Berisha, pas takimit me kryetarët e partive aleate, ku u diskutua për zgjedhjet e ardhshme vendore.
“Në këtë takim u diskutua për bashkëpunimin midis këtyre forcave politike në zgjedhjet e ardhshme vendore dhe u ra dakord që këto forcat politike të dalin në zgjedhje me kandidat të përbashkët,” thekson Partia Demokratike përmes një njoftimi duke shtuar se takimi u karakterizua nga fryma e mirëkuptimit të plotë.
Ndryshe, në takim me Kryetarin e Partisë Demokratike të Shqipërisë, Sali Berisha, ishin kryetari i Partisë Republikane, Fatmir Mediu, kryetari i Partisë Bashkimi për të Drejtat e Njeriut, Vangjel Dule, Kryetari i Partisë Agrare – Ambientaliste, Agron Duka, dhe, kryetari i Lëvizjes për Zhvillim Kombëtar, Dashamir Shehu.
Njoftim:
Kryetari i Partisë Demokratike të Shqipërisë, Sali Berisha zhvilloi një takim me kryetarin e Partisë Republikane z. Fatmir Mediu, kryetarin e Partisë së të Drejtave të Njeriut z. Vangjel Dule, Kryetarin e Partisë Agrare – Ambientaliste z. Agron Duka dhe kryetarin e Lëvizjes për Zhvillim Kombëtar z. Dashamir Shehu.
Në këtë takim u diskutua për bashkëpunimin midis këtyre forcave politike në zgjedhjet e ardhshme vendore dhe u ra dakord që këto forcat politike të dalin në zgjedhje me kandidat të përbashkët.
Takimi u karakterizua nga fryma e mirëkuptimit të plotë.
