Pas takimit me Bashën, Ambasadorja e SHBA: Mbështesim të drejtën e qytetarëve për të votuar të lirë
Pas takimit me Kryetarin e Partisë Demokratike, Lulzim Basha, në selinë e PD, Ambasadorja e SHBA, Yuri Kim është shprehur se Shtetet e Bashkuara nuk mbështet asnjë parti apo kandidat, por mbështet të drejtën e të gjithë shqiptarëve për të votuar të lirë dhe në paqe.
“Takova sot kryetarin e PD, Lulzim Basha, njësoj siç jam takuar me presidentin Ilir Meta dhe kryeministrin Edi Rama në 48 orët e fundit. Ne përsërisim,” tha Ambasadorja amerikane në reagimin e saj përmes rrjeti social Twitter duke përfunduar:
“Nuk mbështesim asnjë parti apo kandidat. Por ne absolutisht mbështesim të drejtën e të gjithë qytetarëve për të votuar të lirë dhe në paqe.”
Ndryshe, ky reagim i Ambasadores së SHBA vjen pas përplasjes që kishte me Presidentin e Republikës, Ilir Meta, avokatisë së pakuptimtë që i bëri Kryeministri Edi Rama, dhe në fund takimit që Yuri Kim zhvilloi me Kryetarin e PD, Lulzim Basha.
