Pas takimit me Hotin, Zaev: Do t’ia dërgojmë ftesën Kosovës ti bashkohet Mini Shengenit

Kryeministri i Maqedonisë së Veriut, Zoran Zaev pas takimit me kryeministrin e Kosovës, Avdullah Hoti në Shkup i ka bërë ftesë Kosovës që të bashkangjitet iniciativën serbe të Mini Shengenit ndërsa Hoti foli për ndërtimin e një pike të përbashkët kalimit kufitar.

 “Të premten e ardhshme do të kem takim me Vuçiç dhe Ramën dhe një nga pikat do të jetë kjo që të dërgojmë një ftesë të përbashkët. Presim që Kosova t’i bashkangjitet bashkëpunimit rajonal i cili e udhëheq Maqedonia e Veriut, Serbia dhe Prishtina me qëllim që të jetë prioritet për rajonin pa dallim të çështjeve të hapura politike,” tha Zaev ndërsa përshëndeti arritjen e marrëveshjes e 4 shtatorit në Washington mes Kosovës dhe Serbisë dhe ka mbështetur rifillimin e dialogut mes dy shteteve.

“E përshëndesim marrëveshjen për normalizim ekonomik në Washington mes Kosovës dhe Serbisë, dhe I japim përkrahje procesit të dialogut të ndërmjetësuar nga BE’ja.”

Për arritje foli edhe Hoti por për ato të Zevit.

“Ju përgëzoj për avancimin drejt integrimeve evropiane. Keni bërë një rrugëtim të gjatë si shtet, dhe ne kemi shumë për të mësuar nga reformat që keni ndërmarrë në ekonomi. Ju falënderoj në emër të Qeverisë dhe popullit të Kosovës për bashkëpunimin që kemi pasur këta muaj gjatë pandemisë. Kemi dakordim që të lëvizim përpara në disa ide, në disa projekte që janë në interes të dy ekonomive tona. E mirëpres shumë idenë që të shkojmë drejt ndërtimit të një pikë të përbashkët kalimit kufitar,” tha Hoti duke shtuar se me avancimin e ndërtimin e pikës të kalimit kufitar do të lidhet Prishtina me Shkupin për më pak se një orë.