Pas takimit me kreun e KED, Yuri Kim: Koha që Gjykata e Lartë të arrijë kuorumin…

Koha është që Gjykata e Lartë të arrijë kuorumin që të plotësohen vakancat në Kushtetuese. Kështu u shpreh Ambasadorja amerikane në Tiranë Yuri Kim pas takimit me kreun e KED Ervin Pupe duke kujtuar se së bashku KED, Presidenca dhe Parlamenti bënë funksionale Gjykatën Kushtetuese

“Duke punuar së bashku, KED, Presidenca dhe Parlamenti dhanë një Gjykatë Kushtetuese funksionale deri në fund të vitit 2020. Tani, është koha që Gjykata e Lartë të arrijë kuorumin,” thekson Ambasadorja amerikane përmes rrjetit social Twitter pas takimit në KED duke përfunduar:

“Në mënyrë që vendet e lira të mbetura në Gjykatën Kushtetuese të mund të plotësohen dhe vetë Gjykata e Lartë të jetë plotësisht funksionale. Le të vazhdojmë të ecim përpara-hap pas hapi.”