Pas takimit me Kryeministrin Rama, Kreu i Shoqatës së Fermerëve: Ramë dakord…

Pas takimit me Kryeministrin Edi Rama, Kreu i Shoqatës së Fermerëve tha se qeveria nuk i njeh problemet reale të fermerëve dhe kryeministri pranoi këndvështrimin tonë ku dhe ramë dakord që të ulemi dhe të diskutojmë.

“Ne mendojmë se qeveria nuk i njeh problemet reale të fermerëve. 30% e fermerëve nuk kanë porositur për të mbjellë, sepse kanë 3 sezone që dështojnë. Ramë dakord që cilësia e imputeve bujqësore është e pa garantuar. Në rast se ekspertët e qeverisë ulen me ne dhe marrin në konsideratë problemet tona, mund të zgjidhim diçka. Ne kemi një traditë se na thërrasin për të dëgjuar dhe thonë si punohet. Kur thërret për të dëgjuar duhet të dëgjosh,” tha kreu i Shoqatës së Fermerëve duke përfunduar:

“Megjithatë kryeministri pranoi këndvështrimin tonë. Ramë dakord që të ulemi dhe të diskutojmë!”

Ndryshe, Edi Rama si manipulatori më i madh përmes komunikimit masiv doli para Parlamentit të Shqipërisë duke i ftuar ata të diskutojnë dhe i magjepsi me populizmin e tij primitiv, të cilit dhe iu nënshtruan:

“Hajde, kush do vijë me mua të flasë brenda, se këtu në rrugë nuk flitet. Hajde, kush do vijë tjetër? Hajde! Edhe ai që ngriti dy gishtat. S’ka problem të gjithë bashkë se kjo nuk është punë demokratësh,” iu tha Edi Rama fermerëve, përzgjodhi një përfaqësi dhe normalisht u premtoi se halli i tyre do të shqyrtohet.

Sa qëndrojnë premtimet e Kryeministrit Edi Rama, të paktën fermerët janë dëshmitarë për plot 8 vjet!