Pas takimit me Kryeprokuroren dhe kreun e SHISH, Edi Rama paralajmëron…
Pas Protestës së Madhe të opozitës dhe takimit që zhvilloi me titullarët më të rëndësishëm të institucioneve ligjzbatuese, si kryeprokuroren, Arta Marku, ministren e Drejtësisë, Etilda Gjonaj, ministrin e Brendshëm, Sandër Lleshaj dhe kreun e SHISH, Helidon Bendo, kryeministri Edi Rama paralajmëroi për orë 14:00 një dalje publike.
“Në 14.00 me gazetarët për të komunikuar me opinionin publik në këto momente,kur një grupim i dëshpëruar politik orvatet më kot të imponohet përmes dhunës së verbër, në qorrsokakun pa rrugëdalje të dështimit ku ka hyrë me këmbët e veta,” thekson Edi Rama përmes rrjetit social Twitter duke përfunduar:
“Qetësi dhe Vendosmëri për Shqipërinë që duam!”
Ndërkohë ministri i Brendshëm, Sandër Lleshaj në një konferencë për shtyp ka dhënë detajet rreth ecurisë së protestës, dhunës së protestusëve por jo edhe asaj policore, si dhe personave që janë arrestuar.
