Pas takimit me Lajçak, Vuçiç: Më 4 Shtator shqiptarët nisen në aksion!

Pas takimit në Bled të Sllovenisë me Përfaqësuesin Special të BE për dialogun Kosovë-Serbi, Miroslav Lajçak, Presidenti i Serbisë, Aleksandar Vuçiç, doli i shqetësuar para mediave duke deklaruar se mori informacion se shqiptarët më 4 Shtator nisen në aksion të ri për anëtarësim në organizatat ndërkombëtare dhe kjo, sipas tij, do të destabilizoj rajonin

Ai tha se pret një vizitë të Lajçakut së shpejti në Prishtinë dhe Beograd, dhe se është i shqetësuar me informacionin që mori:

“Kemi informacione nga burimet tona sekrete, se do të nisen në aksion në mënyrë që të anëtarësohen në UNESCO, Interpol, Këshillin e Evropës. Kjo natyrisht që do të shkaktoj destabilizim të ri në rajon,” tha Vuçiç duke shantazhuar Prishtinën zyrtare në prag të takimit me Miroslav Lajçakun në Prishtinë ndërsa shtoi Ballkani Perëndimor do të jetë më prezent në axhendën e BE.

“Kam folur të vërtetën, dhe ka parashtruar pyetje ku nuk mora përgjigje. Çfarë do të bëjmë kur një pjesë e PBB botërore të jetë 7 për qind, dhe çfarë do të bëjmë kur pas ikjes së Angela Merkelit të destabilizohet,” paralajmëroi Aleksandar Vuçiç.

Ndryshe, këtë paralajmërim kërcënues Presidenti i Serbisë, Alkesandar Vuçiç e bëri nga Forumi Strategjik në Bled të Sllovenisë, pas takimit me Përfaqësuesin Special të BE për dialogun Kosovë-Serbi, Miroslav Lajçak, por para tij ai takoi dhe Kryeministrin e Shqipërisë, Edi Rama.