Pas takimit me liderët, Thaçi: Do ta respektoj Kushtetutën! Kurti i drejtohet…

Pas takimit që zhvilloi me tre liderë të partive politike, Presidenti i Kosovës, Hashim Thaçi, tha se do të respektojë në tërësi kushtetutën dhe ligjet në fuqi për të gjetur një zgjidhje të pranueshme për funksionimin e institucioneve, apo edhe themelimin e institucioneve të reja.

“Sot si president i vendit duke respektuar Kushtetutën, ligjet, mandatin tim si president  pas mocionit më 25 mars jam i detyruar të fillojë konsultat me partitë politike dhe liderët për hapat e mëtutjeshëm të funksionimit të institucioneve apo themelimit të Qeverisë së re,” tha Thaçi, respektim i plotë i legjitimiteti të qytetarit duke marrë parasysh edhe shkarkimin e Qeverisë.

“Të gjitha veprimet e mëtutjeshme që do të ndërmarr si president pas konsultimeve do të jenë transparente në përputhshmëri me Kushtetutën, ligjet dhe praktikat e mëhershme të deklaruara sipas vullnetit të partive. Do të jetë proces kushtetues, i konsultuar dhe ligjor ju do të njoftoheni me të gjitha”.

Pas deklaratës së Presidentit lidhur me, siç tha, konsultimet, Kryeministri në detyrë, Albin Kurti, i ka dërguar një letër, duke i bërë të qartë se nuk kanë bazë ligjore.

Ndërkohë pas thirrjes së qytetarëve që të mos respektojnë masat e qeverisë për parandalimin e përhapjes së COVID-19 sot Presidenti Thaçi i bëri thirrje që ti respektojnë, duke i quajtur sot rekomandime të IKSHPK ndonëse masat e qeverisë ishin bazuar në këto rekomandime por siç duket Hashim Thaçi nuk e ka lexuar vendimin Përmasat e Qeverisë së Kosovës.

“Është mbresëlënëse se duke zbatuar këshillat e IKSHP-së,  qytetarët po tregojnë disiplinë dhe sakrifikojnë në interes të shëndetit për qytetarin familjen shoqërinë. Duke respektuar këto rekomandime dhe duke mos krijuar panik do ta tejkalojmë këtë situatë të rëndë. Ju ftoj të respektoni këshillat e IKSHP,  të rrini në shtëpi dhe ta përballojmë më lehtë. Të prekurve nga virusi u urojmë shërim më të shpejt”, tha inicuesi i panikut dhe ai që bëri thirrje për mosbindje civile, të cilin për fat nuk e dëgjoi njeri edhe pse doli nga goja e Presidentit të Kosovës, Hashim Thaçi.

Ndryshe, Presidenti Hashim Thaçi ka bërë të ditur se nesër, do të takohet edhe me krerët e partive të tjera, Ramush Haradinajn e AAK-së, Fatmir Limajn e Nisma Socialdemokrate, përfaqësuesit e Listës Serbe dhe ata të Grupit 6+.