Pas takimit me Nd/Sekretaren Donfried, Alibeaj: Folëm për…

Pas takimit me Nd/Sekretaren e Çështjeve Evropiane dhe Euroaziatike, Karen Donfried, Kryetari i Grupit Parlamentar të PD-së, Enkelejd Alibeaj, ndryshe nga Kryeministri Edi Rama i cili heshti, zbardhi disa detaje nga takimi.

“Pata kënaqësi të prisja Nd/Sekretaren Donfried dhe ekipin e saj. Diskutuam dhe folëm për çështje të rëndësishme që Shqipëria është duke u përballur, siç është ajo e demokracisë, me të gjitha sfumaturat e veta, zgjedhjet dhe krimin e organizuar. Po kështu edhe për çështje të rëndësishme ndaj luftës së korrupsionit. këto janë sfida. I shpreha vendosmërinë për të çuar para këto sfida dhe për të dhënë kontributin tonë,” tha Enkelejd Alibeaj duke theksuar se nuk mund të linte pa diskutuar dhe marrëdhëniet e PD me SHBA-në.

“Vura re dhe pashë mbështetjen e madhe që SHBA-të kanë me PD. Duke parë mirë dhe situatën e vështirë që po kalon PD,” tha Kryetari i Grupit Parlamentar të PD, Enkelejd Alibeaj duke përfunduar:

“Mora mbështetjen e zonjës, për mbështetjen e fortë për një opozitë të fortë, të qëndrueshme. Një opozitë pro amerikane që sheh nga e ardhmja.”

I pyetur nëse kishin folur për Sali Berishën, Alibeaj ishte konsistent në qëndrimet e Kryetarit të tij që i thotë Kunatit se ka dhënë dorëheqje:

“Në takimet diplomatike flitet për ato çështje që janë të rëndësishme për shqiptarët. Demokracia, shteti i së drejtës dhe lufta ndaj korrupsionit i interesojnë të gjithë shqiptarët.”