Pas takimit me Nuland, Osmani: Kosova s’ka aleat më të madh se SHBA

Duke riafirmuar angazhimin afatgjatë të dy vendeve ndaj partneritetit dhe vlerave të përbashkëta, Presidentja Vjosa Osmani pas takimit që zhvilloi në SHBA me Nënsekretaren amerikane të Shtetit, Victoria Nuland, tha se Kosova nuk ka aleat më të madh se SHBA.

“Një takim mjaft produktiv me Nënsekretaren e Shtetit, Victoria Nuland për të riafirmuar angazhimin afatgjatë të dy vendeve tona ndaj partneritetit dhe vlerave të përbashkëta,” thekson përmes rrjetit social Twitter Presidentja e Kosovës pas takimit që zhvilloi në kuadër të vizitës në SHBA me Nënsekretaren amerikane të Shtetit duke përfunduar:

“Kosova nuk ka aleat më të madh se SHBA dhe unë mezi pres të punoj së bashku për siguruar që ne edhe më tej të kontribojmë për paqe dhe demokraci.”