Pas takimit me Patriarkun serb, krimineli Vuçiç habitet pse bota nuk i beson: Turp të keni!
Serbia terrorizoi dhe vrau për më shumë se 100 vjet shqiptarët në Kosovë, dhe sot Presidenti i saj, Aleksandar Vuçiç, habitet pse bota nuk i beson atij por autoriteteve kosovare, aq më shumë kur kemi të bëjmë me protagonistin e masakrave në Kroaci, Bosnje Hercegovinë dhe Kosovë dhe sot autorin dhe drejtuesin e barrikadave në veri të Kosovës.
“Po punojmë me Lajçakun dhe Escobaron dhe këto bisedime vazhdojnë. Kemi aktivizuar të gjitha resurset tona dhe po mundohemi të ruajmë paqen. Këto kërcënimet histerike, sonte Kurti do ju sulmoj, nuk mund të merrni asgjë, e gjithë bota po e sheh se Prishtina ka të drejtë… E kemi kuptuar edhe nga komunikata me Patriarkun. Turp të keni, gënjeshtar,” tha sot Vuçiç pas takimit me Patrirakun e Serbisë Porfirije duke akuzuar Kosovën jo vetëm pse i ndaloi këtij krimineli kishtar hyrjen në tokën kosovare, por pse e konsideron paligjshmëri edhe vendosjen e barrikadave serbe në rrugët nacionale.
“Qëllimi i tyre është dëbimi i Serbisë nga Kosova njëherë e mirë, përgjithshmonë, në veçanti popullin e padëgjueshëm serb nga veriu i Kosovës. Për këtë arsye shfrytëzojnë agjentetët e tyre në Beograd dhe shumë vende të tjera. Kjo është diçka me të cilën do të përballemi.”
Ndryshe, pasi Kryepeshkopi i Serbisë Porfirije gënjeu të premten se ishte ndaluar të futet në Kosovë ndërsa ishte nisur në Patriarkanën e Pejës, Ministria e Punëve të Jashtme dhe Diasporës ka sqaruar se “kërkesa për vizitë e Patriarkut Porfirije nuk është refuzuar, siç po propagandohet nga Kisha Ortodokse Serbe dhe mediat serbe, por është ndërlidhur me distancimin nga aktet e dhunës dhe veprimet e lartpërmendura.”
Meqë Kisha Ortodokse e Serbisë frymon dhe jeton duke promovuar dhunë ndaj shqiptarëve, kërkesa nuk është miratuar meqë Kryepeshkopi i saj thjeshtë refuzoi të distancohet nga dhuna
