Pas takimit me Presidentin, Aleatët e PD: Pritet një Dekret i ri për datën e zgjedhjeve!

Pas takimit që liderët e partive të vogëla Aleatë të PD, zvhilluan me Presidentin, ata bënë të ditur se do të ketë një Dekret të ri për datën se kur do të zhvillohen zgjedhjet vendore.

“Patëm një diskutim me ftesë të Presidentit për situatën që po rëndohet. Presidenti ka një ide të tillë që zgjedhjet ligjërisht me datë 30 nuk bëhen se kemi një dekret të Presidentit. Besoj se do të bëjë një dekret të ri për një datë të re zgjedhjesh, po besoj se do të jetë gjatë dites në diskutimin, për të ulur tensionin politik për të mbërrit në një minimun kushtesh për zgjedhje administrative, gjithmonë para datës së hapjes së negociatave të tetorit,” tha Kryetari i LZHK-së, Dashamir Shehi duke shtuar se ky është dhe diskutimi bazë:

“Për këtë po ikim të takojmë dhe Aleatët tjerë, besoj se nga pasditja, nga darka besoj se do të dalë një gjykim i përbashkët,” tha Dashamir Shehi duke saktësuar se së bashku me Partinë Demokratike do të kenë një qëndrim të përbashkët.