Pas takimit me Putinin, Presidenti Trump bisedon me liderët e NATO-s dhe Zelenskyyn

Përkundër artilerisë propagandistike sorosiane për zhvlerësimin e Samitit Trump-Putin në Alaskë, pas takimit me Presidentin e Rusisë për 2 orë e 45 minuta, Donald Trump kishte mesazhe të qarta si për Bashkimin Evropian, NATO-n dhe liderin e Ukrainës, në një intervistë për FOX News menjëherë sapo u mbyllë takimi mbrëmjen e së premtes, ndërsa Shtëpia e Bardhë sot në mëngjes bëri të ditur se presidenti amerikan kishte zhvilluar bisedë telefonike me liderët e Aleancës Veriatlantike dhe Zelenskyyn.

Ky informacion vjen vetëm pak minuta pasi Agjencia shtetërore ruse e lajmeve TASS raportoi se Trump dhe Vladimir Putin nuk diskutuan për një Samit të mundshëm trepalësh me presidentin ukrainas mbrëmë.

Shtëpia e Bardhë shton se pas bisedës me Zelenskyyn, Trump kontaktoi edhe udhëheqësit e NATO-s me telefon.

The Economist: Plan për ndërprerjen e sulmeve ajrore
Korrespondenti i The Economist për Rusinë, Ukrainën dhe Bjellorusinë, Olivier Carroll, raportoi një informacione nga burimet e tij ndonëse tha se është i paverifikuar:

“Ekziston një marrëveshje paraprake për ndërprerjen e sulmeve ajrore që do të zgjasë deri në takimin e tre udhëheqësve. Qielli do të dërgojë sinjale në lidhje me rezultatet e ndërmjetme të këtyre bisedimeve,” tha Olivier Carroll duke përfunduar:

New. I’m told there is a provisional agreement of an air ceasefire until 3-way leaders meeting. “We think the skies will give signals about provisional results of these talks,” source tells me. "The next week will be interesting.”

— Oliver Carroll (@olliecarroll) August 16, 2025

“Java e ardhshme do të jetë interesante!”

Kyiv Independent: E neveritshme. E turpshme. Dhe në fund – e padobishme

Pas përfundimit të takimit Trump-Putin lideri ukrainas Volodymyr Zelenskyy heshti por zëri i tj përmes portalit “Kyiv Independent” reagon ashpër mbi takimin midis Donald Trump dhe Vladimir Putin në Alaskë, duke e quajtur, të neveritshëm, të turpshëm dhe, në fund të fundit, të padobishëm.

“Trump nuk mori atë që donte. Por Putin? Ai mori gjithçka.” thekson në komentin e tij “Kyiv Independent” duke e përshkruar presidentin rus që nga momenti që shkeli në tokën amerikane, “gjithë buzëqeshje”, ndërsa shton se Putin nuk është më një i përjashtuar ndërkombëtarisht, por një udhëheqës të cilit presidenti amerikan i bën homazh.

“Zelenskyy i poshtëruar publikisht, Putin i përkëdhelur! Paraardhësi i Trump e quajti Putinin vrasës. Trump i bëri një pritje mbretërore,” thuhet në koment duke kujtuar gjithashtu pritjen e ftohtë që Presidenti ukrainas Volodymyr Zelenskyy përjetoi në Zyrën Ovale gjashtë muaj më parë, dhe e krahason me pritjen “e prishur” me të cilën u prit Putin.

“Presidenti ukrainas përjetoi poshtërim publik. Ai rus u përkëdhel. Të dyja skenat ishin të turpshme,” thekson “Kyiv Independent” duke përfunduar:

“Trump nuk e kupton që Putini nuk e sheh Ukrainën si subjekt të negociatave. Ai e sheh Ukrainën si pjesë të Rusisë, pikë. Për Putinin dhe ekipin e tij të brendshëm, pavarësia e Ukrainës është një gabim historik që duhet korrigjuar!”

Trump: Nuk ka marrëveshje, por përparim

“Nuk mund të them se kemi arritur një marrëveshje, por kemi bërë përparim. Duam ta zgjidhim atë. Dua që njerëzit të ndalojnë së vdekuri. U gëzova kur Putini tha se lufta nuk do të kishte ndodhur nëse unë do të kisha qenë president”, tha Presidenti Trump pas takimit për Fox News dhe ndryshe nga Kievi, nga 1 deri në 10, Trump takimin e vlerësoi me notën 10.

“Takimi ishte një takim shumë i ngrohtë midis dy vendeve shumë të rëndësishme dhe është shumë mirë kur ata merren vesh. Mendoj se jemi shumë afër një marrëveshjeje. Tani shikoni, Ukraina duhet të bjerë dakord me të,” tha Presidenti amerikan ndërsa shtoi se ishte “një gjë e madhe” që pengoi një marrëveshje përfundimtare.

I pyetur nga Fox News për të sqaruar se çfarë saktësisht përfshihej, Trump nuk pranoi të jepte detaje, por theksoi se beson që Putini dëshiron që lufta të mbarojë.

“Mendoj se ai dëshiron që lufta të mbarojë,” tha Trump, pa zbuluar pikën e mosmarrëveshjes për të cilën ata nuk mund të binin dakord. Ai e vlerësoi Putinin për dakordësinë me pretendimin e tij se lufta në Ukrainë “nuk do të kishte ndodhur kurrë” nëse ai do të kishte qenë në krye të Shteteve të Bashkuara në kohën e pushtimit rus.

President Trump to @seanhannity after historic summit with Putin: "The meeting was a very warm meeting between two very important countries, and it's very good when they get along. I think we're pretty close to a deal. Now look, Ukraine has to agree to it." pic.twitter.com/N4xYu7X06r

— Fox News (@FoxNews) August 16, 2025

Në fund, Donald Trump këshilloi Presidentin ukrainas Volodymyr Zelenskyy të bëjë një marrëveshje paqeje me Rusinë, duke theksuar superioritetin ushtarak të Moskës dhe duke e nxitur atë të arrinte një marrëveshje paqeje sa më shpejt të ishte e mundur.

Kur u pyet drejtpërdrejt nga prezantuesi i Fox News se çfarë këshille do t’i jepte Zelenskyyt, Trump u përgjigj pa hezitim.

“Bëni një marrëveshje, duhet të bëni një marrëveshje,” tha Trump duke arsyetuar mendimin e tij me dallimet në fuqinë ushtarake midis dy vendeve, ndërsa theksoi se Rusia ka një avantazh të konsiderueshëm.

“Rusia është një fuqi shumë e madhe, dhe ata nuk janë!”

Ndryshe, një burim në presidencën e Bashkimit Evropian tha për BBC-së se një takim i ambasadorëve të BE-së është planifikuar për sot në mëngjes ndërsa një takim online i krerëve të shteteve evropiane me Presidentin Trump pritet të zhvillohet gjatë ditës, ku ai do t’i informojë ata mbi rezultatin e bisedimeve të tij me Putinin.