Pas takimit me Ramën, integrimi dhe KÇK sipas Presidentit të PE
Pas takimit me Kryeministrin Edi Rama, Presidenti i Parlamentit Europian, David Sassoli, kishte një bindje të çuditshme ku për procesin e anëtarësimit të Shqipërisë në BE, zili do ta kishte Gent Cakaj ndërsa për “Anti-KÇK”, Ish-Gjeneral Sandër Lleshaj. Kujt mund ti adresohet kjo meritë nuk është e qartë ashtu siç nuk e kishte të qartë as Sassoli për çfarë fliste.
Ngadalësimi në procesin e anëtarësimit të Shqipërisë në BE, për Presidentin e PE është thjeshtë një vonesë pasi negociatat në muajt në vijim do ndikohet edhe nga masat dhe reformat e marra nga qeveria kundër krimit të organizuar, ndërsa akti normativ “Anti-KÇK” tha ai është tregues i qartë për përpjekjet serioze që po bën Shqipëria edhe pse nuk është as Akt e aq më pak normativ që ka lidhje me ligjin.
Gjithsesi, ai është Presidenti i PE, dhe i lejohet të jetë i gëzuar edhe në masën që e shprehu në Tiranë pas takimit me Kryeministrin:
“Jam i gëuqar për hapat që keni hedhur para, duhet të falenderojmë shqiptarët, keni ecur duke parë me besim tek BE dhe për ne është motiv për të besuar. Ndodhi një ngadalësim para fundit të vitit por procesi i anëtarësimit duhet të fillojë. Parlamenti e KE janë të bindur, edhe unë jam, i bindur që kjo është vetëm një vonesë. Kjo po mbushet edhe nga nisma të mëdha nga qeveria, lufta lundër krimit të organizuar, cështjet që kanë të bëjnë në vënien e sigurisë, janë nisma që jo vetëm i shohim me favor por janë objektivisht të domosdoshme.
Kemi parë si ka rifilluar dialogu në përpjekje brenda shumë afateve të shkurtra për të parus procesin e anëtarësimit të Shqipërisë. E dini shqetësimin që ka ndjerë shoqeria, por duhet të kapërcejme disa pyetje që i kanë bërë Shqipërisë dhe kemi kohën e duhur që përgjigjet të jenë pozitive dhe ti bindin të gjithë për atë rrugë që duhet ta bëjmë bashkë.
Në gjithë këtë ka edhe shumë përshtatje ende për të kryer, folëm dhe për sistemin bankar, përpiqemi te kemi rregulla sa më homogjene, të përshtaten për lancimin e ekonomisë, në këtë moment flasim dhe për sigurinë tonë, janë cështje të përbashkëta që vlejnë për vendet e Ballkanit Perëndimor por edhe të BE, kemi nevojë ti bëjmë ekonomitë tona të punojnë së bashku për rritjen tonë,” tha socialisti Sassoli duke u munduar të bindë shqiptarët se kanë një të ardhme drejt të cilës duhet të shohim së bashku.
Lidhur me Aktin normativ “Anti-KÇK”, opinionin e Presidentit të PE tashmë e kanë zili si Edi Rama ashtu dhe Sandër Lleshaj që shumë gjëra i thanë dje në repartin RENEA por nuk e kishin idenë se e qëlluar evropiane ishte kjo nismë që shkel çdo logjikë jo njerëzore, jo vetëm të drejtat e njeriut”
“Përse ishte e rëndësishme reforma që u miratua javën e kaluar nga qeveria? Sepse kishte të bënte me luftën kundër krimit të organizuar. Kjo do të shtojë jo vetëm sigurinë për Shqipërinë por edhe aftësinë e kapacitetin e bashkëpunimit të Shqipërisë me BE. Jam i kënaqur se mbi këtë reformë ka dhe pak frymë italiane. Ne prej 10 vjetëve jemi gjendur në kushtet e luftës kundër krimit të organizuar në shumë vende të Italisë dhe kjo përvojë mund të jetë e dobishme dhe për të tjerët. Do të jemi së bashku në luftën kundër kapitaleve të paligjshme,” tha David Sassoli ndërsa lidhur me pasojat e tërmetit ai tha se BE u tregua e gatshme me ndihmat, dhe se nuk do tërhiqet deri në rimëkëmbje.
Ndërsa Kryemnistri Edi Rama duke theksuar se kanë diskutuar hapur, se Sassoli është një mik i mirë i shqiptareve por jo symbyllur dhe si mik i vërtetë ka shprehur të gjithë opinionet e tij pozitive apo kritike për çka kemi bërë dhe çka duhet të vazhdoijmë të bëjmë në Shqiperi e së bashku.
“Kemi pasur në qendër të diskutimit procesin e integrimit datat e reja në të cilat do vazhdojë të diskutohet ky proces në raport me celjen e negociatave të Shqiperise dhe në funksion të tij kemi folur në mënyrë shteruese për nismën më të rë të qeverisë, ligjin special dhe atë që quhet paketa anti KCK. Më vjen sh mir që vizita sot në kryeministri përkon me operacionin e parë në terren të forcës së ligjit dhe ia shpjegova skemën e organizimit dhe programin e operacionit që besoj shumë që do përcojë sms shume të qartë bindës, me fakte edhe në opinionin ndërkombëtar se sa serioz jemi ne për ta ndryshuar këtë vend,” tha Rama duke përfunduar:
“Ka një sukses të garantuar për faktin se është në vazhdën e reformës në drejtësi dhe është produkt i një bashkëpunimi të ngushrtë me një nga strukturat e shumëpritura, me SPAK dhe me gjykatën speciale që janë produkt i reformës në drejtësi.”
