Pas takimit me Ramën, Merkel: Në mars duam dakordësi për fillimin e negociatave!

Ne duam të arrijmë që në takimin e ardhshëm të Këshillit Evropain në mars të arrijmë një dakordësi për fillimin e negociatave të anëtarësimit me Shqipërinë dhe Maqedoninë e Veriut. Kështu u shpreh kancelarja gjermane, Angela Merkel pas takimi me Kryeministrin Edi Rama duke mos e fshehur angazhimin e saj që këto dy shtetet të përafrohen me BE sepse, siç tha, kjo është dhe në interesin tonë, e ai që e shikon mirë hartën dhe njeh kuadrin gjeopolitik, ai e di që është mirë për të gjithë sikur një ditë të jenë anëtarë të Bashkimit Europian.

“Të dyja vendet kanë suksese të konsiderueshme. Dhe këto janë regjistruar nga Këshilli Evropian dhe ne do të punojmë fort që në mars të arrijmë rezultate. Unë besoj që e ardhmja e këtyre dy vendeve është në Bashkimin Evropian”.

Ndërsa Kryeministri Edi Rama nga ana e tij duke e falënderuar për angazhimin kancelaren gjermane shtoi:

“Roli juaj ka qenë i jashtëzakonshëm në hapjen e një kapitulli të ri bashkëpunimi në procesin e Berlinit, që ka nevojë për tu çuar më tutje. Në fund dua të shpreh konsideratën për mënyrën se si ka nisur puna e Komisionit të ri Europian.

Një dimension më i qartë edhe i gjerë politik, përveçse tradicional, teknik të Komisionit do të jetë një ndihmë e madhe për ne dhe të gjitha rajonin.”.

Fjala e plote e Merkel

Të nderuar zonja e zotërinj,

I uroj mirëseardhjen Kryeministrit, z.Edi Rama. Jam e gëzuar sot që mund të flasim për marrëdhëniet dypalëshe në këtë takim, gjithashtu do të kemi mundësi të kujtojmë dhe tërmetin e 26 nëntorit në Shqipëri.
Shumë njerëz kanë humbur strehët e tyre.

Mbi 50 viktima humbën jetën. Unë jam e gëzuar që Komisioni ka dërguar ftesat për një konferencë donatorësh dhe Gjermania do të marrë pjesë në këtë konferencë. Bashkëpunimi dhe gadishmëria në rajon për ndihmë ka qenë mbresëlënëse. Megjithatë kjo ishte një goditje e rendë për Shqipërinë. Ne do të flasim për një seri të marrëdhënieve dypalëshe, për marrëdhëniet ekonomike dhe kursin e reformave të Shqipërisë.

Dëshiroj të them në mënyrë të qarte se në lidhje me reformën në drejtësi janë arritur shumë gjëra. Dhe kjo reformë duhet të vazhdojë në mënyrë të tillë që të përmbyllet.

Kjo reformë ka një rëndësi qëndrore për të ardhmen e Shqipërisë. Për qeverinë federale gjermane dua të them që ne i përmbahemi qartësisht perspektivës së Shqipërisë dhe gjithë Ballkanit Perëndimor në Bashkimin Evropian.

Ne duam që këto shtete të përafrohen me BE dhe para se gjithash duam të arrijmë që në takimin e ardhshëm të Këshillit të Evropës në mars të arrijmë një dakordësi për fillimin e negociatave të anëtarësimit me Shqipërinë dhe Maqedoninë e Veriut.

Të dyja vendet kanë suksese të konsiderueshme. Dhe keto janë regjistruar nga Këshilli i Evropës dhe ne do të punojmë fort që në mars të arrijmë rezultate. Unë besoj qe e ardhmja e këtyre dy vendeve është në Bashkimin Evropian.

Kjo është dhe në interesin tonë, ai që e shikon mirë hartën dhe njeh kuadrin gjeopolitik ai e di që është mirë për të gjithë sikur një ditë të jenë anëtarë të BE.

Komisioni i ri Evropian synon të jetë dhe një komision që synon të theksojë dhe dimensionin gjepolitik dhe prandaj kjo i jep edhe më shumë shkas për ta çuar me vendosmëri përpara këtë proces.