Pas takimit me Roth, Basha: Më 25 Prill, Shqipëria humbi një mundësi të artë!

Pas takimit me ministrin gjerman të Shtetit për Europën, Michael Roth, ku e kishte inform mbi zhvillimet dramatike dhe masakrën zgjedhore të 25 prillit, Kryetari i Partisë Demokratike, Lulzim Basha, tha se Shqipëria humbi një mundësi të artë për shqiptarët, për demokracinë por dhe për të ecur përpara me procesin europian të integrimit të vendit.

Ndërsa ministri Roth ashtu si dhe në takimin me Kryeministrin Edi Rama mbrëmjen e së enjtes ishte i përqëndruar te takimi i Këshillit Europian më 22 Qershor për çeljen e negociatave ndërsa për masakrën zgjedhore të 25 Prillit për të cilën foli Basha u mjaftua me arsyetimin e si beson raportimeve të OHDIR-it.

“Pata kënaqësinë të pres ministrin e shteti Michael Roth të cilin e informova mbi zhvillimet dramatike dhe masakrën zgjedhore të 25 prillit. Shqipëria humbi një mundësi të artë për shqiptarët, për demokracinë por dhe për të ecur përpara me procesin europian të integrimit të vendit. Ky është një proces i bazuar tek arritjet, tek meritat dhe për fat të keq në këto zhvillimet siç e keni parë dhe nga konkluzionet e KE apo rezoluta e Bundestagut Shqipëria ka mbetur në vend numëro për shkak të mosarritjeve të  me kushtet e vendosura të cilat janë rënduar edhe më shumë me zhvillimet e 25 prillit. Ne kemi bërë gjithçka në dorën tonë, opozita ka bërë gjithçka duke nisur me reformën në drejtësi dhe reformën zgjedhore. Qeveria i shkeli të dyja këto, tha Lulzim Basha duke përfunduar:

Ajo që i kam kërkuar ministrit Roth është të flasin dhe denoncojnë masakrën zgjedhore të 25 prillit, para se të jetë vonë për demokracinë dhe Shqipërinë, përpara se Shqipëria të vazhdojë të jetë e mbushur me kriminelë në parlament. Gjermania ka qenë dhe është mbështetëse e madhe e Shqipërisë në çdo front.”

Ministri gjerman për Evropën, Michael Roth, historisë me zgjedhjet e e 25 Prillit nuk i dha rëndësi fare, e mbylli me faktin se i beson raportit të OHDIR-it ndërsa përsëriti fjalët e thëna pas takimit me Kryeministrin Edi Rama se shpreson te Këshilli Europian që më 22 qershor të çel negociatat.

“Dëshiroj t’iu falenderoj për miqësinë zoti Basha, një vizitë në Shqipëri do të nënkuptonte jo vetëm një takim me qeverinë por edhe ato të opozitës e përfaqësuesit e shoqërisë civile. Natyrisht që të gjitha kritikat që do të adresohen në këtë drejtim duhet të qartësoheshin e kjo duhet bërë nëpërmjet institucioneve. Ne i besojmë raportimeve të OHDIR-it, që është i pavarur. Jam dakord me Bashën që e ardhmja e Shqipërisë gjendet në BE dhe askund tjetër. Nëse kjo rrugë do të jetë e suksesshme kjo nuk varet vetëm nga qeveria, por edhe Parlamenti dhe opozita.

Shpresoj që nga debatet e së shkuarës të gjendet një qasje më e drejtë mes palëve. Unë jam në politikën aktive prej 23 vitesh, prej tetë vite në qeveri, kam qenë dhe në opozitë dhe qeveri, këto elemente janë të rëndësishëm në një shtet. Ne nuk jemi armiq, por kundërshtarë. Shërbimi zotin Basha, ka qenë për mua tejet e rëndësishëm për këtë sërish faleminderit. KE ka vlerësuar në mënyrë të kujdesshme nëse janë plotësuar kushtet e Shqipërisë për hapjen e negociatave dhe nisjen e Konferencës së Parë Ndërqeveritare,” tha ministri gjeramn Roth duke përsëritur ato që tha mbrëmë para Kryeministrit Edi Rama:

“Shpresojmë shumë që më 22 qershor, Këshilli Europian të miratoj çeljen e negociatave dhe konferencën e parë të anëtarësimin, falenderojmë presidencën portugeze në këtë proces. Ju të gjithë e dini që ky është hap i rëndësishëm drejt BE, do të jetë rrugë e gjatë, Gjermania do e mbështesë Shqipërinë në këtë drejtim, çelja e negociatave s’do të thotë që janë plotësuar të gjitha kushtet, por që Shqipëria ka një hapje të sigurt për anëtarësim.”