Pas takimit me Vuçiçin, Ambasadori Hill: Të dyja palët e kuptojnë se duhet të arrijnë zgjidhjen!

Pas takimit me Presidentin e Serbisë, Aleksandar Vuçiç, sot Amabsadori i SHBA në Beograd, Christopher Hill u s hpreh se Washingtoni vazhdon të mbështes BE-në në përpjekje për të arritur zgjidhje me Kosovën ndërsa shprehu bindjen se dhe të dyja palët e kuptojnë se duhet të arrijnë zgjidhjen.

“Qasja konstruktive është gjithsesi mënyra për gjetjen e zgjidhjes,” tha Hil pas takimit me Vuçiçin duke shtuar se SHBA dhe BE veprojnë në dakordësi lidhur me Kosovën.

“Kisha një bisedë të mirë me Presidentin e Serbisë, Aleksandar Vuçiç. Biseduam për procesin e Brukselit,” tha Hill para Pallatit Serbia ndërsa u shpreh i kënaqur me përpjekjet që BE bënë.

“E konsideroj impresive anagzhimin e një njeriu të rangut si Josep Borrell, për tetë orë në gjetjen e zgjidhjes së kësaj çështje të kontestuar. Vazhdojmë të mbështesim BE në përpjekjet e saj,” theksoi Ambasadori Hill duke e bërë të qartë se kishte kërkuar nga Vuçiç që të vazhdoj me angazhimin konstruktiv në këtë proces.

Duke shpresuar se zgjidhja do të gjendet, Ambasadori i SHBA në Beograd tha se për tu arritur kjo duhet angazhimi i të dyja palëve ndërsa foli për zgjatjen e shtyrjes që u bë prej 48 orëve për zgjidhjen e çështjes aktuale.

“BE e ka bërë të qartë se i duhen 365 ditë,” tha Christopher Hill i cili bisedimet e djeshme nuk i konsideron të dështuara, por ajo që ndodhi dëshmon se duhet të vazhdohet me bisedime.

“Mënyra për të ardhë deri tek zgjidhja është fleksibiliteti me përpjekje të ndërmjetësuesve të BE,” përfundoi Amabsadori i SHBA në Beograd, Christopher Hill.

Ndryshe, sot Kryeministri i Kosovës, Albin Kurti, ka shtyrë për 48 orë zbatimin e fazës së dytë të vendimit për riregjistrimin e makinave me targa ilegale serbe në RKS – Republika e Kosovës. Si përgjigje ndaj kërkesës së ambasadorit amerikan, Kurti tha se është i gatshëm të punojë me SHBA dhe BE-në për të gjetur zgjidhjen në dy ditët e ardhshme.