Pas takimit me Zelenskyyn, Trump: U shfaq më i qetë, e kupton situatën. Dëshiron një marrëveshje!
Pas takimit me Presidentin e Ukrainës, Volodymyyr Zelenskyy, Presidenti i Shteteve të Bashkuara, Donald Trump, tha se Zelenskyy ishte më i qetë gjatë takimit të tyre në Vatikan dhe më i hapur për të bërë një marrëveshje me Moskën sesa gjatë takimit të tyre famëkeq në Zyrën Ovale.
“Unë e shoh atë si më të qetë. Unë mendoj se ai e kupton situatën. Nuk e di nëse ai donte të bënte një marrëveshje më parë. Mendoj se ai dëshiron të bëjë një marrëveshje,” tha Donald Trump sapo u kthye nga Vatikani ndërsa në pyetjen e gazetarëve nëse mendon se presidenti ukrainas është i gatshëm të heqë dorë nga Krimea, ai ishte i prerë:
“Mendoj se po!”
Me këtë rast, Presidenti i SHBA, Donald Trump, i bëri thirrje Presidentit të Rusisë, Vladimir Putin, të pushoj të gjuaj dhe të ulet e të firmos Marrëveshjen në mënyrë që ti jepet fund konfliktit, me sugjerimin se kjo mund të arrihet brenda dy javësh.
