Pas takoi Berishën/ Nuk njeh vendimin e Gjykatës, Alibeaj: Iu dhashë dorën në shenjë fisnikërie!

Pas takimit me liderin e Partisë Demokratike, Sali Berisha dhe përfaqësinë e Komisionit Rithemelimit, Kryetari i Grupit Parlamentar të PD, Enkelejd Alibeaj tha se u kishte dhënë dorën në shenjë fisnikëri ndërsa konfirmoi atë që tha Berisha se i kishte thënë, se nuk është dakord me vendimin e sotëm të Gjykatës lidhur me ndryshimet në Statut bazuar në vendimet e Kuvendit të 11 dhjetorit dhe se do ta apeloj.

Ndryshe nga gjuha e moderuar që përdori Berisha, Alibeaj duke e quajtur “personi i ulur këtu përpara”, tha se i kishte kërkuar tërheqjen pas dorëheqjes së Bashës, pasi sipas Kryetarit të Grupit Parlamentar, kryetar i PD nuk mund të jetë dikush që është non grata.

“Ajo se çka ka ndodhur sot, një vendim i cili nuk bazohet në asnjë nga dokumentet reale që kjo parti ka depozituar në Gjykatën e Tiranës. Kallëzim penal për shpërdorim detyre për gjyqtarin në fjalë dhe së dyti ankim ndaj këtij vendimi të paligjshëm në kufijtë e një skandali.

Backgroundi im si jurist kupton një gjë të thjeshtë, ai vendim nuk është i formës së prerë. Do paraqitet ankim dhe do jetë gjykata që do vendosë në aspektin juridik. Juristët e kanë këtë huq profesional që të presin deri sa gjykata të flasë.

Lidhur nga ajo që u komunikua dhe nga personi i ulur këtu përpara, iu dhashë dorën njerëzve që erdhën në selinë e PD, si një shenjë e fisnikërisë që kushdo që vjen në këtë parti, dyert e së cilës janë të hapur t’i japim dorën,” tha Enkelejd Alibeaj i cili nuk dha shenja përbashkimi për të cilin u angazhua, të paktën publikisht Sali Berisha, duke vazhduar të jetë i bindur se non grata lëndon shumë demokratë.

Cili do të jetë epilogu i grahmave të fundit përçarëse, siç duket mbetet i paparashikueshëm përderisa fryma a urrjetjes që ka mbjellur krimineli Lulzim Basha shkon përtej dyerve të blinduara, shkopave të bejzbollit, gazit lotsjellës dhe policëve të Edi Ramës në shërbim të Bashës!